2 Tekwaro 21 - Acoli Baibul

Loc pa Jekoram kabaka me Juda

¹ Yekocapat ote, oywe kacel ki kwarine, ci giyiko kacel ki kwarine i gaŋ kal pa Daudi; wode Jekoram aye oleyo ka tyene.

² En yam tye ki omegine, ma gin awobe pa Yekocapat: Ajaria, Jekiel, Jekaria, Ajaria, Mikael, ki Cepatia; gin ducu onoŋo awobe pa Yekocapat kabaka me Juda.

³ Wongi omiyogi mot madito, me ryal, me jabu, ki me jami mabeco me wel, ki gaŋi mogo ma i Juda ma girumogi ki cel gogo; ento-en omiyo ker bot Jekoram, pien Jekoram obedo latin kayone.

⁴ Ka Jekoram obedo wi komker pa wonne ma doŋ kerre omoko matek, ci oneko omegine woko ducu ki pala lucwan, kacel ki rwodi mogo ma i Icrael,

⁵ Jekoram ocamo ker ma mwaka me ditte pyeradek wiye aryo, ci obedo ka loc i Jerucalem pi mwaka aboro.

⁶ Obedo ka lubo kit pa luker me Icrael, kun tiyo kit macalo jo me ot pa Akab gutiyo; pien dakone nya pa Akab. Obedo ka tiyo gin ma nen marac i waŋ Rwot.

⁷ Ento Rwot pe omito tyeko Juda woko ducu, pi laticce Daudi, kit ma con ocikke bote ni ebimiye bedo ki mac tara, en ki likwaye matwal.

⁸ I karene en aye jo Edom gujemo iye woko i kom loc pa Juda, ci guketo kabakagi pigi kengi.

⁹ Jekoram okato loka kacel ki ludito monnye ki ludito ma giloyo gadigadi lwennye ducu; en oa woko i dyewor olwenyo i kom jo Edom. Jo Edom onoŋo gurumo en woko kacel ki ludito ma giloyo gadigadi lwennye.

¹⁰ Kit meno Edom ojemo woko i kom loc pa Juda nio wa onyoo. Ka dok Libna bene ocako jemo woko i kom locce i kare-nu, pien en otyeko bwoto Rwot, Lubaŋa pa kwarine.

¹¹ Dok bene en ogero waŋ jogi i wi godi i lobo godi me Juda; en omiyo jo ma gibedo i Jerucalem gucako woro jogi, ma pe doŋ gitye ki gen i kom Rwot, omiyo Juda oŋak,

¹² Cut olimo waraga ma oa ki bot lanebi Elia, ma wacce ni, “Rwot Lubaŋa pa kwaru Daudi owaco kuman ni, ‘In pe ilubo kit pa woru Yekocapat, nyo kit pa Aca kabaka me Juda,

¹³ ento ibedo ka lubo kit pa luker me Icrael, ityeko miyo jo Juda ki jo ma gibedo i Jerucalem guworo jogi, macalo jo me ot pa Akab gumiyo jo Icrael guworo jogi; dok bene ityeko neko omegini woko ducu, jo me ot pa woru, ma onoŋo gibeco gikato in.

¹⁴ Nen, Rwot bikelo can madwoŋ i kom lwakki, i kom litinoni, i kom monni, ki i kom jamini ducu;

¹⁵ in kikomi ibibedo ki two matek two ma i cin ii-gu ducu, nio ka min ii bikatti woko jwijwi pi two meno.’ ”

¹⁶ Rwot omiyo kiniga omako jo Piliciti ki jo Arab ma gibedo cok ki jo Etiopia; ci gubino gulwenyo i kom Jekoram.

¹⁷ Ka gubinoka lweny i kom Juda gumonyo lobogi, ci guyako jami ducu ma gunoŋo, Gutero jami ma i of pa kabaka, ki awo bene ki monne, guweko wode acel keken mudoŋ, en aye Yekoakaj, ma wode matidine.

¹⁸ I ŋe magi ducu Rwot opwode omiye two i cin iye ma pe twero can.

¹⁹ Ka omedde i ŋe mwaka aryo, ci min iye obino woko pi two meno, ci oto ki arem kom madwoŋ. Lwakke pe gumoko mac wacel pi miye deyo kit ma gimoko kwede mac pi kwarine.

²⁰ En ooamo ker ma mwaka me ditte pyeradek wiye aryo, ci obedo ka loc i Jerucalem pi mwaka aboro; cwiny dano mo pe ocwer pi tone. Giyike i gaŋ kai pa Daudi, ento pe giyiko kome i Lyel pa luker.