2 Tekwaro 19 - Acoli Baibul

Lanebi Yeko ojuko Yekocapat

¹ Yekocapat kabaka me Juda odok cen maber wa i ode i Jerucalem,

² Ento Yeko wod pa Kanani ma lanen-piny aye ocito ka rwatte kwede, ci owaco bot kabaka Yekocapat ni, “In imyero ka konyo jo maraco, ki maro jo ma gidag Rwot? Akemo pa Rwot doŋ otyeko bino ka lweny i komi.

³ Ento gin maber tye i kin jami ma itiyogi, pien ityeko jwero yadi ma gicomo pi woro jok Acera woko ducu ki i lobo, ma iketo cwinyi ka yenyo Lubaŋa.”

Yekocapat oyero luŋolkop

⁴ Yekocapat obedo i leruealem; dok owoto i kin dano cakke ki i Beer-ceba nio kwede wa i lobo godi me Epraim, odwoko cwiny dano i kom Lubaŋa pa kwarigi.

⁵ Dok oyero lunoklop ki i gaŋi ducu ma girumo ki cel gogo ma tye i Juda, gaŋ ki gaŋ,

⁶ ka ociko luŋolkop ni, “Wubed ki tam i kom gin ‘ma wutiyo, pien pe wubinolo kop pi dano ento pi Rwot; en tye kwedwu ka wuŋolo kop,

⁷ Pi meno wulwor Rwot kun wugwokke bene i kom gin ducu ma wutiyo, pien Rwot Lubaŋawa pe mito giŋol kop ki go ba ma noŋo lok pe tye atir, nyo kadi dworo kor dano, ki dok pe mito gigam lim me wilo loyo kop.”

⁸ Ki i Jerucalem Yekocapat dok oyero Lulevi mogo, ajwagi, ki ludito wi kaka ma i Icrael ducu, me bedo luŋolkop pi Rwot ki me winyo pido ma pyem tye iye ma ŋolo koppe tek. Gubedo ka tic i Jerucalem.

⁹ Ocikogi ni. “Wubitiyo kun wulworo Rwot, ki gen, dok ki cwinywu ducu.

¹⁰ Ka ce utmegiwu ma gibedo i gaŋigi gukelo lok me pido mo ma mako lok me oyo remo, ki ma mako cik pa Lubaŋa, nyo lok mo ma Lubaŋa ociko nyo oŋolo, wun aye wubipwonyogi, wek pe gutiŋ alii mo i nyim Rwot, wek akemo pa Lubaŋa pe obin i komwu ki i kom utmegiwu. Wubitiyone kit meno, wek pe wutin bal alii mo.

¹¹ Dok wunen, Amaria ajwaka madit en aye ma loyowu i kom lok pa Rwot ducu; Jebadia wod pa Icmael, ma laloyo ma i ot pa Juda, en aye ma loyo lok ma bot kabaka ducu; ki Lulevi gibitic botwumacalo lukaraniwu, Wuti ki tekcwinywu ducu, Rwot myero okony jo ma cwinygi atir!”