1 Tekwaro 7 - Acoli Baibul

Likwayo pa Icakar

¹ Litino awobe pa Icakar aye Tola, Puwa, Jacub ki Cimron, gin aŋwen.

² Litino awobe pa Tola aye Uji, Repaya, Jeriel, Jamai, Ibcam ki Cemuel, Gin aye ludito kaka pa jo Tola ki i odi pa kwarogi ma gubedo twoni oteka lweny i yalwakgi. I kare pa Daudi welgi oromo alip pyeraryo wiye aryo ki miya abicel.

³ Latin awobi pa Uji aye Ijrakia. Litino awobe pa Ijrakia aye Mikael, Obadia, Joel ki Icia, gin abic, ma gin ducu jo madito.

⁴ Ka dok onoŋo tye lwak buca mony pa lulweny ma gicoyo nyiŋgi ma lubo yalwakgi ma i dog odi pa kwarogi; welgi obedo alip pyeradek wiye abicel, pien onoŋo gitye ki mon mapol ki litino awobe mapol.

⁵ Lukakagi ma i doggola pa Icakar ducu onoŋo giromo twoni oteka lweny alip pyeraboro wiye abiro ma gicoyo nyiŋgi i buk me tekwarogi.

Likwayo pa Benjamin

⁶ Litino awobe pa Benjamin gin aye Bela, Beker ki Jediael, gin adek.

⁷ Litino awobe pa Bela aye Ejibon, Uji, Ujiel, Jerimot ki Iri, gin abic, ma gin ducu ludito wi kaka ma i odi pa kwarogi, twoni oteka lweny, I kare ma yam gicoyo nyiŋgi i buk me tekwaro, welgi oromo alip pyeraryo wiye aryo ki pyeradek wiye aŋwen.

⁸ Litino awobe pa Beker gin aye Jemira, Yoaci, Eliejer, Elioenai, Omri, Jeremot, Abija, Anatot ki Alemet; jo magi ducu gin awobe pa Beker.

⁹ Yam gicoyo nyiŋgi i buk me tekwaro ma lubo yalwakgi, kun gin ludito wi kaka i odi pa kwarogi, twoni oteka lweny; welgi onoŋo romo alip pyeraryo ki miya aryo.

¹⁰ Latin awobi pa Jediael aye Bilan. Litino awobe pa Bilan aye Jeuc, Benjamin, Ekud, Kenaana, Jetan, Tarcic ki Akicakar.

¹¹ Magi ducu likwayo pa Jediael ma gin ludito kaka i odi pa kwarogi, twoni oteka lweny; welgi oromo alip apar wiye abiro ki miya aryo ma guyubbe pi lweny.

¹² Cupim ki Kupim gin aye litino awobe pa Ir, Kucim obedo latin awobi pa Aker.

Likwayo pa Naputali

¹³ Litino awobe pa Naputali gin aye Jajiel, Guni, Jejer ki Calum, gin aye likwayo pa Bila,

Likwayo pa Manace

¹⁴ Litino awo be pa Manace aye Aciriel ki Makir ma obedo won Gilead. Gin aryo ducu dako aŋecane ma anyira jo Aram aye onywalogi.

¹⁵ Makir onyomo dako ki Kupim ki Cupim bene. Nyiŋ laminne aye Maaka. Nyiŋ wode me aryone Jelopekad. Jelopekad onywalo anyira keken.

¹⁶ Maaka ma dako pa Makir onywalo wode ma ocako nyiŋe Perec; nyiŋ ominne Cerec. Litino awobe pa Perec aye Ulam ki Rakem.

¹⁷ Latin awobi pa Ulam aye Bedan. Magi gin likwayo pa Gilead wod pa Makir, ma wod pa Manace.

¹⁸ Kamoleket ma lamiŋ Gilead onywalo Icikod, Abiejer ki Makala.

¹⁹ Litino awobe pa Cemida gin aye Akian, Cekem, Liki ki Aniam.

Likwayo pa Epraim

²⁰ Likwayo pa Epraim gin aye Cutela ma wode Bered, ma wode Takat, ma wode Eleada, ma wode Takat,

²¹ ma wode Jabad, ma wode Cutela. Litino awobe mukene pa Epraim aye Ejer ki Elead ma jo Gat ma gin wegi lobo-nu guneko woko i kare ma awo be-nu gucito ka yako dyaŋigi,

²² Wongi Epraim obedo ka kokogi pi kare malac, dok omegine bene gubino ka kweyo cwinye.

²³ Lacen Epraim obedo ki dakone ci dako ogamo, onywalo wode. Wonne ocako nyiŋe Beria, pien onoŋo can opoto i ode,

²⁴ Nyare obedo Ceera; en aye ogero gaŋ Bet-koron mapiny ki mamalone bene, ki Ujen-Ceera.

²⁵ Wod pa Beria aye Repa ma wode Recep, ma wode Tela, ma wode Takan,

²⁶ ma wode Ladan ma wode Amikud, ma wode Elicama,

²⁷ ma wode Nun, ma wode Yocwa.

²⁸ Lobogi ki kabedogi gin aye Betel ki gaŋi ma i ŋete, ka dok yo tuŋ wokceŋ Naaran, ki yo tuŋ potoceŋ Gejer ki gaŋi ma i ŋete, Cekem ki gaŋi ma i ŋete, Aya ki gaŋi ma i ŋete:

²⁹ ka dok i wan lobo pa jo Manace, Bet-cean ki gaŋi ma i ŋete, Taanak ki gaŋi ma i ŋete, Megido ki gaŋi ma i ŋete, Dor ki gaŋi ma i ŋete, Likwayo pa Yucepu wod pa Icrael yam gubedo i kabedo magi.

Likwayo pa Acer

³⁰ Litino awobe pa Acer gin aye Imna, Iciva, Icivi, Beria ki Cera ma lamingi.

³¹ Litino awobe pa Beria gin aye Keber ki Malkiel ma ocako gaŋ Bir-jait.

³² Keber onywalo Japulet, Gomer, Kotam ki Cua ma lamingi.

³³ Litino awobe pa Japulet aye Racak, Bimal ki Acivat. Magi gin Iiiino pa Japulet.

³⁴ Litino awobe pa ominne Cemer aye Roga, Jekuba ki Aram,

³⁵ Litino awobe pa ominne Keler gin aye Jopa, Imna. Celec ki Ama!.

³⁶ Litino awobe pa Jopa aye Cua, Kameper, Cual, Beri, Imra,

³⁷ Bejer, Kod, Cama, Ciloa, Itran ki Beera.

³⁸ Litino awobe pa Jeter aye Jepune, Picpa ki Ara,

³⁹ Litino awobe pa Ula aye Ara, Kaniel ki Rijia,

⁴⁰ Magi ducu jo pa Acer, ludito kaka i odi pa kwarogi, jo ma giyerogi, twoni oteka lweny, jo madito i kin lutel wi kaka. I kare ma gicoyo nyiŋgi i buk me tekwaro pi tic i lweny, welgi onoŋo romo alip pyeraryo wiye abicel.