1 Tekwaro 6 - Acoli Baibul

Likwayo pa Levi

¹ Litino awobe pa Levi gin aye Gercom, Kokat ki Merari.

² Litino awobe pa Kokat aye Amram, Ijur, Kebron ki Ujiel.

³ Litino pa Amram aye Aron, Moses ki Miriam. Litino awobe pa Aron gin aye Nadab, Abiu, Eleajar ki Itamar.

⁴ Eleajar onywalo Finekaci, Finekaci onywalo Abicua,

⁵ Abicua onywalo Buki, Buki onywalo Uji,

⁶ Uji onywalo Jerakia, Jerakia onywalo Merayot,

⁷ Merayot onywalo Amaria, Amaria onywalo Akitub,

⁸ Akitub onywalo Jadok, Jadok onywalo Akimaj,

⁹ Akimaj onywalo Ajaria, Ajaria onywalo Yokanan,

¹⁰ Yokanan onywalo Ajaria, ma en aye obedo ajwaka ma tiyo i ot pa Lubaŋa ma yam Solomon ogero i Jerucalem.

¹¹ Ajaria onywalo Amaria, Amaria onywalo Akitub,

¹² Akitub onywalo Jadok, Jadok onywalo Calum,

¹³ Calum onywalo Ilkia, Ilkia onywalo Ajaria,

¹⁴ Ajaria onywalo Ceraya, Ceraya onywalo Yekojadak.

¹⁵ Yekojadak gitero woko i opii i kare ma Rwot omiyo Nebukadnejar otero jo Juda ki jo Jerucalem i opii.

¹⁶ Litino awobe pa Levi aye Gercom, Kokat ki Merari.

¹⁷ Magi aye nyig litino awobe pa Gercom: Libni ki Cimei.

¹⁸ Litino awobe pa Kokat gin aye Amram, Ijar, Kebron ki Ujiel.

¹⁹ Litino awobe pa Merari aye Makali ki Muci. Magi aye doggola pa jo Levi, ma lubo kwarogi.

²⁰ Likwayo pa Gercom gin ene: en onywalo wode Libni, ma wode Jakat, ma wode Jima,

²¹ ma wode Joa, ma wode Iddo, ma wode Jera, ma wode Jeaterai.

²² Likwayo pa Kokat gin ene: en onywalo wode Aminadab, ma wode Kera, ma wode Acir,

²³ ma wode Elkana, ma wode Ebiacap, ma wode Acir,

²⁴ ma wode Takat, ma wode Uriel, ma wode Ujia, ma wode Caul.

²⁵ Likwayo pa Elkana gin aye Amacai ki Akimot,

²⁶ ma wode Elkana, ma wode Jopai, ma wode Nakat,

²⁷ ma wode Eliab, ma wode Jerokam, ma wode Elkana.

²⁸ Litino awobe pa Camuel gin aye Joel ma latin kayone, ki me rayone Abija.

²⁹ Likwayo pa Merari gin ene: en onywalo Makali ma wode Libni, ma wode Cimei, ma wode Uja,

³⁰ ma wode Cimea, ma wode Kagia, ma wode Acaya.

Luwer i ot pa Lubaŋa ma Daudi oketogi

³¹ Magi aye jo ma Daudi oketogi me loyo tic me wer i ot pa Lubaŋa, i ge kare ma gitero canduk pa Rwot giketo obedo iye.

³² Ticgi obedo me wer i nyim kema, ma en aye kema me rwatte, nio wa i kare ma Solomon doŋ ogero ot pa Rwot i Jerucalem; gubedo ka tiyo ticgi kun gilubo cik ma gimiyogi.

³³ Magi aye nyig dano ma gitiyo tic meno, ki nyig likwayogi. Likwayo pa Kokat gin ene: Eman ma lawer, ma wod pa Joel, wod pa Camuel,

³⁴ wod pa Elkana, wod pa Jerokam, wod pa Eliel, wod pa Toa,

³⁵ wod pa Jup, wod pa Elkana, wod pa Makat, wod pa Amacai,

³⁶ wod pa Elkana, wod pa Joel, wod pa Ajaria, wod pa Jepania,

³⁷ wod pa Takat, wod pa Acir, wod pa Ebiacap, wod pa Kora,

³⁸ wod pa Ijar, wod pa Kokat, wod pa Levi, wod pa Icrael;

³⁹ ki ominne Acap ma yam Cuŋ ka gete tuŋ bade malacuc, en aye Acap ma wod pa Berekia, wod pa Cimea,

⁴⁰ wod pa Mikael, wod pa Baaceya, wod pa Malkija,

⁴¹ wod pa Etini, wod pa Jera, wod pa Adaya,

⁴² wod pa Etan, wod pa Jima, wod pa Cimei,

⁴³ wod pa Jakat, wod pa Gercom, wod pa Levi.

⁴⁴ Omegigi ma likwayo pa Merari yam gicuŋ tuŋ lacam; gin ene: Etan wod pa Kici, wod pa Abdi, wod pa Maluk,

⁴⁵ wod pa Kacabia, wod pa Amajia, wod pa Ilkia,

⁴⁶ wod pa Amji, wod pa Bani, wod pa Cemer,

⁴⁷ wod pa Makali, wod pa Muci, wod pa Merari, wod pa Levi.

⁴⁸ Yam giketo omegigi mukene ma gin Lulevi me tiyo tic ducu ma i kema, ma en aye ot pa Lubaŋa.

Likwayo pa Aron

⁴⁹ Ento Aron ki awobene aye gityero gityer i wi keno tyer me gitum awaŋa, ki i keno tyer me waŋo odok eceta. Gin aye onoŋo gitiyo tic ducu ma i kabedo maleŋ makato ducu, ki tic me kwanyo bal ki i kom jo Icrael, kit ma Moses latic pa Lubaŋa yam ociko kwede ducu.

⁵⁰ Magi aye likwayo pa Aron: en onywalo wode Eleajar, ma wode Finekaci, ma wode Abicua,

⁵¹ ma wode Buki, ma wode Uji, ma wode Jerakia,

⁵² ma wode Merayot, ma wode Amaria, ma wode Akitub,

⁵³ ma wode Jadok, ma wode Akimaj.

Gaoi pa Lulevi

⁵⁴ Magi aye kabedo ma likwayo pa Aron ma i doggola pa jo Kokat yam gubedo iye, ma oporo kit bedogi ki wan lobogi, kit ma kwir opoto kwede:

⁵⁵ yam gimiyo botgi Kebron ma i lobo Juda, kacel ki olet ma orumo ducu;

⁵⁶ ento potti ducu ma tye pi gaŋ meno, ki gaŋi matino ma i ŋete, onoŋo gimiyogi woko bot Kaleb wod pa Jepune.

⁵⁷ Ka dok likwayo pa Aron gimiyo botgi Kebron ma en aye gaŋ me laro lunek dano, Libna ki olette bene, Jatir, Ectemoa ki olette,

⁵⁸ Kilen ki olette, Debir ki olette,

⁵⁹ Acan ki olette, ki Bet-cemec ki olette.

⁶⁰ Ka dok gimiyo botgi gaŋi magi ma gikwanyo ki i lobo me kaka pa Benjamin: Geba ki olette, Alemet ki olette, Anatot ki olette. Kumeno gaŋi ma i doggolagi ducu onoŋo giromo apar wiye adek.

⁶¹ Jo Kokat mudoŋ gimiyo botgi gaŋi apar ma gipokogi ki kwir, ma gikwanyogi ki bot nucu kaka pa Manace.

⁶² Jo Gercom gimiyo botgi gaŋi apar wiye adek macalo doggolagi tye, ma gikwanyo ki i kaka pa Icakar, Acer, Naputali ki Manace i lobo Bacan.

⁶³ Jo Merari gimiyo botgi gaŋi apar wiye aryo macalo doggolagi tye, ma gikwanyo ki i kaka pa Reuben, Gad ki Jabulon.

⁶⁴ Kit meno jo Icrael gumiyo gaŋi bot jo Levi kacel ki oletgi ducu, wek gubed iye.

⁶⁵ Gumiyo botgi gllŋi ma gicoyo nyiŋgi malo-ni ma gikwanyogi ki bot kaka pa Juda, Cimeon ki Benjamin kun gibolo kwir.

⁶⁶ Ka dok doggola mogo pa likwayo pa Kokat gimiyo botgi gaŋi ma gikwanyo ki bot kaka pa Epraim.

⁶⁷ Gimiyo botgi Cekem ma en aye gaŋ me laro lunek dano ma i lobo godi me Epraim, ki olette, Gejer ki olette,

⁶⁸ Jokmeam ki olette, Bet-koron ki olette,

⁶⁹ Aijalon ki olette, Gat-Rimmon ki olette,

⁷⁰ Ka dok doggola pa jo Kokat mudoŋŋe ducu gimiyo botgi gaŋi magi ma gikwanyo ki bot nucu kaka pa Manace: Aner ki olette, Bileam ki olette.

⁷¹ Jo pa Gercom gimiyo botgi gaŋi magi ma gikwanyo ki bot nucu kaka pa Manace: Golan ma i Bacan ki olette, Acitarot ki olette;

⁷² ka dok gaŋi magi ma gikwanyo ki bot kaka pa Icakar: Kedec ki olette, Daberat ki olette,

⁷³ Ramot ki olette, Anem ki olette;

⁷⁴ ka dok gaŋi magi ma gikwanyo ki bot kaka pa Acer: Macal ki olette, Abudon ki olette,

⁷⁵ Kukok ki olette, Rekob ki olette;

⁷⁶ ka dok gaŋi magi ma gikwanyo ki bot kaka pa Naputali: Kedec ma i Galilaya ki olette, Kamon ki olette, Kiriataim ki olette.

⁷⁷ Jo pa Merari mudoŋ gimiyo botgi gaŋi magi ma gikwanyo ki bot kaka pa Jabulon kun gibolo kwir: Rimmono ki olette, Tabor ki olette;

⁷⁸ ka dok i loka kulu Jordan yo tuŋ wokceŋ ma cok ki Jeriko gimiyo botgi gaŋi magi ma gikwanyo ki bot kaka pa Reuben: Bejer ma i tim aroo kacel ki olette, Jaja ki olette,

⁷⁹ Kedemot ki olette, Mepaat ki olette;

⁸⁰ ka dok gaŋi magi ma gikwanyo ki bot kaka pa Gad: Ramot ma i Gilead ki olette, Makanaim ki olette,

⁸¹ Kecbon ki olette, Jajer ki olette.