1 Tekwaro 3 - Acoli Baibul

Litino awobe pa Daudi

¹ Magi aye litino awobe pa Daudi ma en onywalo i Kebron: latin kayone aye Amnon, ma minne obedo Akinoam me Jejreel; me aryone Daniel, ma minne obedo Abigail me Karmel;

² me adekke obedo Abcalom, ma minne Maaka ma nya pa Talmai kabaka me Gecur; me aŋwenne Adoniya, ma minne Kagit;

³ me abicce Cepatia, ma minne Abital; me abicelle Itream, ma minne Egla.

⁴ Daudi onywalo jo abicelli i Kebron, ka ma yam obedo ka loc iye pi mwaka abiro ki dwe abicel. Ka dok obedo ka loc i Jerucalem pi mwaka pyeradek wiye adek.

⁵ Dano magi en onywalogi i Jerucalem: Cimea, Cobab, Natan ki Solomon; gin aŋwen-ni ducu mingi Bat-cua ma nya Amiel.

⁶ Ka dok onywalo Ibar, Elicama, Elipelet,

⁷ Noga, Nepeg, Japia,

⁸ Elicama, Eliada ki Elipelet, gin aboŋwen.

⁹ Magi ducu gin litino awobe pa Daudi, ma pe gikwano iye litino pa mon aŋecane; ki lamingi en aye Tamar.

Likwayo pa Solomon

¹⁰ Likwayo pa Solomon gin ene: en onywalo wode Rekoboam, ma wode Abija, ma wode Aca, ma wode Yekocapat,

¹¹ ma wode Joram, ma wode Akajia, ma wode Yoaci,

¹² ma wode Amajia, ma wode Ajaria, ma wode Yocam,

¹³ ma wode Akaj, ma wode Kejekia, ma wode Manace,

¹⁴ ma wode Amon, ma wode Yocia,

¹⁵ Litino awobe pa Yocia gin aye Yokanan ma latin kayone, me aryone Yekoyakim, me adekke Jedekia me aŋwenne Calum.

¹⁶ Likwayo pa Yekoyakim gin ene: en onywalo wode Yekonia, ma wode Jedekia.

¹⁷ Ka dok litino awobe pa Yekonia ma yam gitere i opii-ni gin ene: Cealtiel,

¹⁸ Malkiram Pedaya, Cenajar, Jekamia, Kocama ki Nedabia.

¹⁹ Litino awobe pa Pedaya gin aye Jerubabel ki Cimei. Litino awobe pa Jerubabel aye Meculam ki Anania, ma lamingi aye Celomit;

²⁰ ki Kacuba, Okel, Berekia, Kacadia ki Jucab-keced, gin abic.

²¹ Likwayo pa Anania gin ene: en onywalo Pelatia ki Jecaya, ma wode Repaya, ma wode Aman, ma wode Obadia, ma wode Cekania.

²² Latin awobi pa Cekania aye Cemaya, Ki litino awobe pa Cemaya gin aye Katuc, Igal, Baria, Nearia ki Capat, gin abicel.

²³ Litino awobe pa Nearia gin aye Elioenai, Kijikia ki Ajrikam, gin adek.

²⁴ Litino awo be pa Elioenai gin aye Kodavia, Eliacib, Pelaya, Akub, Yokanan, Delaya ki Anani, gin abiro.