1 Tekwaro 25 - Acoli Baibul

Dul pa luwer

¹ Daudi ki ludito ma loyo tic gubolo tic ki jo mogo ma i kin likwayo pa Acap, pa Eman ki pa Jedutun, wek gutit lok pa Lubaŋa macalo lunebi ki opuk ki naŋa ki atego agoya-gu, Nyiŋ jo ma yam gitiyo tic man, ki dog ticgi gin ene:

² i kin litino pa Acap, Jakur, Yucepu, Netania ki Acarela, ma litino pa Acap, Acap aye telogi i wer, kun tito lok ma a ki bot Lubaŋa, i te cik pa kabaka.

³ Litino pa Jedutun gin Gedalia, Jeri, Jecaya, Cimei, Kacabia ki Matitia, gin abicel, ma wongi Jedutun aye telogi i wer, kun tito lok a ma ki bot Lubaŋa ki opuk pi miyo pwoc bot Rwot.

⁴ Litino pa Eman gin Bukia, Matania, Ujiel, Cebuel, ki Jerimot, Anania, Kanani, Eliata, Gidalti, ki Romamtiejer, Jocebekaca, Maloti, Kotir ki Makajiot.

⁵ Magi ducu aye litino pa Eman ma lanen pa kabaka, macalo Lubaŋa yam ociko bote ni ebipilo wiye; pien Lubaŋa omiyo ki Eman litino awobe apar wiye aŋwen ki anyira adek.

⁶ Gin ducu yam wongi aye telogi i wer i ot pa Rwot, kun giwero ki atego agoya, naga ki opuk pi konyo lega ma i ot pa Lubaŋa, Acap, Jedutun ki Eman yam gitiyo i te loc pa kabaka.

⁷ Wei jo man giribo ki utmegigi ma yam gipwonyogi ki wer bot Rwot, jo ducu ma yam luryeko, giromo miya aryo ki pyeraboro wiye aboro.

⁸ Gin ducu gipokogi i dog tic kun gibolo kwir, kun jo matino ki jo madito, lupwony ki jo ma gipwonyogi, gitimogi ducu marom.

⁹ Kwir mukwoŋo opoto i kom Yucepu, ma jo pa Acap; me aryone opoto i kom Gedalia, ci okwako en ki omegine, ki litino awobene, gin ducu apar wiye aryo;

¹⁰ me adekke opoto i kom Jakur kacel ki litino awobene ki omegine, gin ducu apar wiye aryo;

¹¹ me aŋwenne opoto i kom Ijri kacel ki litino awobene ki omegine, gin ducu apar wiye aryo;

¹² me abicce opoto i kom Netania kacel ki litino awo bene ki omegine, gin ducu apar wiye aryo;

¹³ me abicelle opoto i kom Bukia kacel ki litino awobene ki omegine, gin ducu apar wiye aryo;

¹⁴ me abirone opoto i kom Jecarela kacel ki litino awobene ki omegine, gin ducu apar wiye aryo;

¹⁵ me aborone opoto i kom Jecaya kacel ki litino awo bene ki omegine, gin ducu apar wiye aryo;

¹⁶ me aboŋwenne opoto i kom Matania kacel ki litino awobene ki omegine, gin ducu apar wiye aryo;

¹⁷ me aparre opoto i kom Cimei kacel ki litino awobene ki omegine, gin ducu apar wiye aryo;

¹⁸ me apar wiye acelle opoto i kom Ajarel kacel ki litino awo bene ki omegine, gin ducu apar wiye aryo;

¹⁹ me apar wiye aryone opoto i kom Kacabia kacel ki litino awo bene ki omegine, gin ducu apar wiye aryo;

²⁰ me apar wiye adekke opoto i kom Cubael kacel ki litino awobene ki omegine, gin ducu apar wiye aryo;

²¹ me apar wiye aŋwenne opoto i kom Matitia kacel ki litino awobene ki omegine, gin ducu apar wiye aryo;

²² me apar wiye abicce opoto i kom Jeremot kacel ki litino awo bene ki omegine, gin ducu apar wiye aryo;

²³ me apar wiye abicelle opoto i kom Anania kacel ki litino awobene ki omegine, gin ducu apar wiye aryo;

²⁴ me apar wiye abirone opoto i kom Jocebekaca kacel ki litino awobene ki omegine, gin ducu apar wiye aryo;

²⁵ me apar wiye aborone opoto i kom Kanani kacel ki litino awo bene ki omegine, gin ducu apar wiye aryo;

²⁶ me apar wiye aboŋwenne opoto i kom Maloti kacel ki litino awobene ki omegine, gin ducu apar wiye aryo;

²⁷ me pyeraryone opoto i kom Eliata kacel ki litino awo bene ki omegine, gin ducu apar wiye aryo;

²⁸ me pyeraryo wiye acelle opoto i kom Kotir kacel ki litino awobene ki omegine, gin ducu apar wiye aryo;

²⁹ me pyeraryo wiye aryone opoto i kom Gidalti kacel ki litino awobene ki omegine, gin ducu apar wiye aryo;

³⁰ me pyeraryo wiye adekke opoto i kom Makajiot kacel ki litino awobene ki omegine, gin ducu apar wiye aryo;

³¹ me pyeraryo wiye aŋwenne opoto i kom Romamtiejer kacel ki litino awobene ki omegine, gin ducu apar wiye aryo,