1 Tekwaro 23 - Acoli Baibul

¹ Ka Daudi doŋ oti ma mwakane doŋ dwoŋ, ci ocako keto wode Solomon obedo kabaka ma loyo Icrael. Lwak dul pa Lulevi ki ajwagi ki dog ticgi

² Daudi ocoko ludito ma i Icrael ducu, kacel ki ajwagi ki Lulevi.

³ Gikwano Lulevi ducu ma ditogi romo mwaka pyeradek dok kwede malo, ci wel co ducu oromo alip pyeradek wiye aboro.

⁴ Daudi owacci, “Jo alip pyeraryo wiye aŋwen ki i komgi gibiketogi ka tic i ot pa Rwot; jo alip abicel gibibedo jagi ki luŋolkop;

⁵ jo alip aŋwen gibibedo lugwok-doggola, ki jo alip aŋwen gibipako Rwot ki jami wer ma yam atiyo pi pake kwede.”

⁶ Ci Daudi opokogi i dul muporo awobe pa Levi, Gercom, Kokat ki Merari.

⁷ Litino awobe pa Gercom gin aye Ladan ki Cimei.

⁸ Litino awobe pa Ladan gin aye Jekiel ma laditgi, ki Jetam ki Joel, gin adek.

⁹ Litino awobe pa Cimei gin aye Celomot, Kajiel ki Karan, gin adek. Magi gin aye ludito kaka pa Ladan ma i odi pa kwarogr,

¹⁰ Litino awobe pa Cimei gin aye Jakat, Jina, Jeuc ki Beria. Jo aŋwen-nu gin aye litino awobe pa Cimei.

¹¹ Jakat aye onoŋo ladrtgi, ki me aryone Jija; ento Jeuc ki Beria pe gunywalo awobe mapol, mumiyo gikwanogi macalo dog ot ma kwarogi acel.

¹² Litino awobe pa Kokat gin aye Amram, Ijar, Kebron ki Ujiel, gin aŋwen.

¹³ Litino awobe pa Amram gin aye Aron ki Moses. Aron gibolle tic me kwero jami maleŋ makato, wek en ki litino awobene guwan odok eceta i nyim Rwot matwal, dok guti bote, gulam gum i nyiŋe matwal.

¹⁴ Ento litino awobe pa Moses ma dano pa Lubaŋa yam gikwanogi i kin kaka pa Levi.

¹⁵ Litino awobe pa Moses gin aye Gercom ki Eliejer.

¹⁶ Litirro awobe pa Gercom: Cebuel aye laditgi.

¹⁷ Litino awobe pa Eliejer: Rekabia aye laditgi. Eliejer pe onywalo litino awobe mukene, ento Rekabia onywalo litino awobe mapol mada.

¹⁸ Litino awobe pa Ijar, Celomit aye laditgi.

¹⁹ Litino awobe pa Kebron gin aye Jeria ma laditgi, ki me aryone Amaria, me adekke Jakajiel, ki me aŋwenne Jekameam.

²⁰ Litino awobe pa Ujiel gin aye Mika ma laditgi, ki me aryone Icia.

²¹ Litino awobe pa Merari gin aye Makali ki Muci. Litino awobe pa Makali gin aye Eleajar ki Kic,

²² Eleajar oto ma pe onywalo awobe, onywalo anyira keken; ento ludoggolagi ma awobe pa Kic aye gunyomogi.

²³ Litino awobe pa Muci gin aye Makali, Eder ki Jeremot, gin adek.

²⁴ Magi aye litino awobe pa Levi ma i odi pa kwarogi, ma gin ludito kaka ma i odi pa kwarogi kit ma yam gicoyogi kwede, ma lubo wei ki nyiŋ dano ki acel acel ma ditogi romo mwaka pyeraryo dok kwede malo, ma gibedo ka tiyo tic i ot pa Lubaŋa.

²⁵ Pien Daudi onoŋo owacci, “Rwot Lubaŋa pa Icrael doŋ omiyo kuc ki jone; en doŋ bedo: i Jerucalem matwal.

²⁶ Pi meno Lulevi pe doŋ gimitogi pi tiŋo kema pa Rwot, kadi jami mo ma gitiyo kwede.”

²⁷ Pi lok ma Daudi oloko me agikkine omiyo gicoyo wel Lulevi ma ditogi romo mwaka pyeraryo ki dok kwede malo,

²⁸ En dok owacci, “Ticgi bibedo me konyo awobe pa Aron ka tic i ot pa Rwot, kun gigwoko dyekal ki kicika odi matinone, gilonyo jami maleŋ ducu, dok gitiyo kit tic mu kene ducu ma i ot pa Lubaŋa.

²⁹ Dok ikonyo bene ki kela mugati ma giketo i nyim Rwot, ki moko kwon me gityer me moko kwon, ki capat mareppe ma tobi pe iye, ki gityer me moko kwon ma gitedo i otako nyonyo, ki gityer me moko kwon ma girubo ki moo, ki gin pimo pek ki dwoŋ pa jami mapatpat,

³⁰ Gin gibicuŋ ka miyo pwoc ki pak bot Rwot odiko odiko, ki otyeno otyeno bene kumeno,

³¹ ki i kare ducu ma gityero gitum awaŋa bot Rwot i cen cabit, ki i por dwe, ki i nino maditogu, gibicuŋ i nyim Rwot kare ducu, kun gilubo wel jo ma giciko.

³² Gibigwoko kema me rwatte ki kabedo maleŋ kit meno, dok gibikonyo utmegigi, awobe pa Aron, i ticgi ma i ot pa Rwot.”