1 Luker 13 - Acoli Baibul

Lanebi mua ki i Juda ojuko Jeroboam

¹ Dano pa Lubaŋa mo oa ki i Juda ma Rwot ocwalo ki lokke wa i Betel, ka ma Jeroboam onoŋo ocuŋ iye ka ŋet keno tyer ka waŋo odok eceta.

² Dano meno ocako lok ki gero kun tito lok pa Lubaŋa i kom ke no tyer. Owacci, “Ai keno tyer, keno tyer, Rwot owaco kuman ni, ‘Nen ba, gibinywalo latin laco i ot pa Daudi ma nyiŋe Yocia. Ajwagi me kabedo me woro Lubaŋa ma i wi godi ma gibedo ka waŋo odok eceta i komi en binekogi woko i komi macalo gitum, ki cogo pa dano bene gibiwaŋogi i komi.’ ”

³ Omiyo lanyut i nino meno kun wacci, “Man aye bibedo gin ma nyuto ni Rwot aye oloko lok man: Gibimuko keno tyer-ri woko, ki buru ma i wiye-ni gibionyo woko piny.”

⁴ Ka kabaka Jeroboam owinyo lok ma dano pa Lubaŋa owaco kun loko ki gero i kom 338 keno tyer ma i Betel, oryeyo cine ki i ner keno tyer kun wacci, “Wumak dano-nu woko.” Ci bade ma oryeyo pi cimo dano-nu otugi tal woko cut, ma dolone wek odwog cen oloye woko.

⁵ Ki keno tyer bene otugi muk woko, ki buru bene otugi ukke woko piny nia ki i wi keno tyer. Kumeno lanyut me lok pa Rwot ma dano pa Lubaŋa otito-ni ocobo kakare,

⁶ Jeroboam owaco bot dano pa Lubaŋa ni, “Leg Rwot Lubaŋani kombeddi, wek odwok cwinye, ka doŋ ileg pira, wek bada odolle odwog i koma kakare.” Dano pa Lubaŋa olego Rwot, ci bad kabaka odolle odwogo cen kakare, obedo kit ma con ca,

⁷ Kabaka owaco bot dano pa Lubaŋa ni, “Bin doŋ wacit paco, wek iciywe kunnu, ci abimiyi mot mo me pwoc.”

⁸ Ento dano pa Lubaŋa ogamo dog kabaka ni, “Kadi bed imiya nucu jami ma i odi kulu, pe abiye donyo i odi wan kwedi. Dok pe abicamo kwon kadi wa mato pii-gu i kabedo man;

⁹ pien Rwot ocika kit meno kun wacci, ‘In pe ibicamo kwon kadi wa mato pii-gu kunnu, dok pe ibidwogo ki yo ma icito kwede kunnu.’ ”

¹⁰ Kit meno en okwanyo yo mukene; pe odok cen ki yo ma ocito kwede i Betel-li.

¹¹ Onoŋo tye lanebi mo ma oti woko ma bedo i Betel. Awobene gucito gutitte gin ducu ma dano pa Lubaŋa otiyo i Betel i nino meno; ki lok ma oloko bot kabaka bene gutito bot wongi.

¹² Ci wongi openyogi ni, “En kono okwanyo yo mene?” Awobene gunyutte yo ma dano pa Lubaŋa ma oa i Juda-ni odok kwede cen.

¹³ Ci owaco bot awobene ni; “Wutwena kom me bedo i wi kana,” Gutwene kom me bedo i wi kanane, ci en obedo i wiye.

¹⁴ Ocita i kor dano pa Lubaŋa-nu, onoŋe obedo i te yat kworo. Owaco bote ni, “In aye i dano pa Lubaŋa ma oa i Juda-ni?” Ogamo ni, “An do!”

¹⁵ Dok owacce ni, “Bin wacit paco kacel kweda ka camo kwon.”

¹⁶ Dano pa Lubaŋa ogamo ni, “Pe myero adok kwedi cen, nyo donyo kwedi i ot, dok pe abicamo kwon kwedi kadi wa mato pii-gu i kabedo man;

¹⁷ pien lok pa Rwot obino bota ma ocika ni. ‘In pe ibicamo kwon kadi wa mato pii-gu kunnu, dok pe ibidwogo ki yo ma icito kwede kunnu.’ ”

¹⁸ Lanebi muti ca ogamo doge ni, “An bene lanebi macalo in, dok lamalaika owacca lok pa Rwot kun wacci, ‘Cit icidwog ki lanebi ca paco, en obin kacel kwedi wa i odi wek ocam kwon ka omat pii-gu.’’’ Ento noŋo en obedo ka bwolo dano ca abwola,

¹⁹ Dano ca odok cen kacel kwede, ci ocamo kwon i ode, ka omato pii-gu,

²⁰ kare ma gubedo ka cam wi meja, lok pa Rwot obino bot lanebi muti ca ma omiyo lawote odwogo cen i ode,

²¹ Ocako lok ki gero bot dano pa Lubaŋa ma oa ki i Juda kun wacci, “Rwot owaco kuman ni, ‘In pe iworo dog Rwot, pe imako cik ma Rwot Lubaŋani ociki kwede,

²² ento iye dwogo wako cen, dok ibedo ka camo kwon bene ki mato pii-gu i kabedo ma awacct m pe myero icam iye kwon kadi wa mato pii-gu. Pi meno pe gibiyiko komi i Lyel pa kwariwu.’ ”

²³ Ka doŋ gityeko cam ki mat, won ot otweyo kom me bedo i wi kanane pi lanebi ma en omiyo odwogo cen.

²⁴ Ka dano meno ocito, labwor mo orwatte kwede i yo, ci omake oneke woko. Kome obuto i yo kun kana ocun ka ŋete, ki labwor bene ocun ka ŋet kom dano-nu.

²⁵ Dano ma gukato ka ŋete guneno kom dano ma obuto i yo, ki labwor ma ocuŋ ka ŋet kom dano-ni. Gubino gutito pire i gaŋ ma lanebi muti bedo iye-ni.

²⁶ I kare ma lanebi ma omiyo dano ca odwogo cen-ni owinyo pire, ci owacci, “Meno aye dano pa Lubaŋa ma pe oworo lok pa Rwot-ti; omiyo Rwot omiye i ciŋ labwor ma okaye oneke woko-ni, kit macalo Rwot oloko kwede bote.”

²⁷ Ci owaco bot awobene ni, “Doŋ wutwe kom i wi kana,” ci gutweyo kom i wi kana.

²⁸ Ocito onoŋo kom dano-nu gibolo iyo, kun kana ki labwor gucuŋ ka ŋet kome. Labwor bene pe omwodo kome, pe okayo kana bene,

²⁹ Lanebi muti-ni otino kom dano pa Lubaŋa-ni, oketo i wi kanane, ci okelo kome i gaŋŋe, wek gukum pire ka guyiko kome.

³⁰ Lanebi meno oyiko kom dano pa Lubaŋa i lyeŋe kikome; ci gukumo pire kun giwacci, “Can madit opoto i komi do, omera!”

³¹ Ka doŋ gityeko yiko kome, ci lanebi-nu ociko awo bene ni, “Ka an doŋ ato, ci wuyika i lyel ma giyiko iye kom dano pa Lubaŋa-ni, wuket cogona ka ŋet cogone.

³² Pien lok ma en ogerre kwede matek-ki onoŋo lok pa Rwot ma oloko i kom keno tyer ma i Betel, ki i kom odi ducu ma i kabedo me woro Lubaŋa ma gitye i gaŋi ma i Camaria. Lokke ducu bicobbe kakare ada.”

³³ I ne lok man mutimme-ni Jeroboam pe omedo ki weko kite maraco-ni. En dok omedde ki keto ajwagi me tic i kabedo me woro Lubaŋa ma i wi godi ma okwanyogi ki i kin lwak ata, Tekke onoŋo ŋat ma mito keken, ci kwere me bedo ajwaka cut, ci keto i ka woro Lubaŋa ma i wi godi-ni.

³⁴ Kit tim man aye odoko bal i kom jo me ot pa Jeroboam, mumiyo ode gikwanyo woko nio ka gityeko woko liweŋ ki i wi lobo man,