Salmos 87 - Wuj Pa K'ubultzij

B'ix che i nim laj utinimit i Dios

¹ I ukub'ib'al utinimit i Dios je o puwi i lo'laj nimaq taq jyub'.

² I Ajwal mas k'ax keuna i uchija re i Sion chwach ronojel i rachoch ma Jacob.

³ Tinimit re i Dios, lik chomiq taq b'iroxik klap chawij.

⁴ I tinimit chi keta'am inwach, are pacha Egipto, Babilonia, Filistea, Tiro, xaq keje i Etiopía; konojel i tinimit le xe'alax chawe Yet.

⁵ Che i tinimit Sion kb'ix na: “Iri xaq ile, che ire xewinaqir wi”; xaq are i nim laj Dios kub'awnaq.

⁶ I Ajwal kutz'ib'aj chupam i wuj: Iri pa Sion xwinaqir wi.

⁷ Konojel ni'pa keb'ixanik xaq kexajawik, kkib'ij: Yet at wachoch.