Salmos 150 - Wuj Pa K'ubultzijB'ix chi kkib'ixaj konojel i tinimit che i Dios 1 ¡K'amori che i Dios! ¡Chib'ixaj i Dios pa lo'laj uk'ijib'al! ¡Xaq chb'ixax ni chila chikaj che i nim laj jamjik lik ko chuxol i kaj ru' ulew! 2 ¡Chib'ixaj rumal i nimaq taq anik chi u'anom! ¡Chib'ixaj rumal unimal u'ij chi nti uk'isik! 3 ¡Chib'ixaj ru' uxut'ixik i trompeta! ¡Chib'ixaj ru' i arpa xaq i salterio! 4 ¡Chib'ixaj ru' xajoj ru' usonil i chilchil! ¡Chib'ixaj ru' i su' xaq ru' i jalajuj taq ojom chi k'am uwach! 5 ¡Chib'ixaj ru' i pacha taq laq lik'laq chi kch'awik! ¡Chib'ixaj ru' i pacha taq laq chi lik'laq chi antal ru' anch'ich'! 6 ¡Konojel ni'pa o kik'aslemal chkib'ixaj i Ajwal! ¡K'amori che i Dios! |
© Biblia Achí de Cubulco, Derechos reservados de Sociedad Bíblica de Guatemala
Bible Society in Guatemala