Salmos 127 - Wuj Pa K'ubultzij

Ronojel ru' i Ajwal kpe wi

¹ I Ajwal, we kuyak ti i ja, lik nti kuchakuj uri kichak aj-anol ja; i Ajwal, we kuchajij ti i nim laj tinimit, xaq lik nti kuchakuj uri kichajinik i chajinelab'.

² Lik nti kawaj che, we lik we' katok pa chak, xaq we k'a kok a'ab' kamayij ch'akb'al re jun awa ru' nim laj uk'axk'olil, man are i Dios kuya chke i k'ax keuna'o are kewarik.

³ I qak'al chi kealaxik ile lik nim laj utzil chomal re i Ajwal.

⁴ I qak'al chi kealax pqak'ak'alil, je keje pacha i ch'ab' pu'ab' jun aj-anol ch'oj.

⁵ Utz re i winaq chi o k'iyal ch'ab' ru' pacha ile. Lik kya' ti uk'ix kumal i je ajch'oj chrij are kuto rib' chke ike chkiwach i je aj-atol tzij.