Salmos 121 - Wuj Pa K'ubultzij

I Ajwal are awajchajinel

¹ Are kink'am utaqexik i nimaq taq jyub', kinb'ij: “¿Ipa kpe wi i tob'al we?”

² I tob'al we kpe ru' i Ajwal, chi x-anaw i kaj xaq i jyub' ta'aj.

³ ¡Lik kuya ti che awaqan kpilkrijik! ¡Xaq lik kwar ti i katchajiwik!

⁴ Keje ile, lik kwar taj; lik kwar ti kechajiw aj Israel.

⁵ Are i Ajwal katchajiwik; are Ire kattowik, are Ire o awu' re katuto.

⁶ I ij ku'an ti k'ax chawe pa'ij xaq mitene i ik' ku'an k'ax chawe cha'ab'.

⁷ I Ajwal, katuchajij che ronojel i jalajuj taq utz taj; Ire kuchajij ak'aslemal.

⁸ I Ajwal katuchajij che ronojel i ab'e wo'or xaq arewi ronojel ij saq.