JOSUÉ 12 - Wuj Pa K'ubultzij

Ulapik i uch'akanik etz mam Moisés

¹ Iri are i ajawinelab' chi aj Israel xetiki chkich'akik chi o kulew prelb'al ij che i raqana Jordán, kjeqan li uchi' ulew chi b'eya Arnón kupon k'a chwi jyub' Hermón, ru' ronojel ulew chi o puqajb'al ij re uwa ta'aj re i Jordán.

² Ma Sehón, ajawinel ke i je aj Hamor, chi jeqel te'eq pa Hesbón chi xaq xrajawin pkiwi i je aj Aroer chi je o chwi ta'aj puwi i jyub' Arnón, xaq xa nik'aj che i ta'aj Arnón le xaq nik'aj che ulew Galaad, chi xaq xrajawin pkiwi i winaq chi je o k'a chi b'eya Jaboc chuchi' kulew i je aj Amón;

³ xaq uponnaq u'atb'al tzij k'a pkiwi i je o puqajb'al ij che i tinimit Arabá xaq uponnaq k'a pkiwi i je o chuchi' i mar Cineret, xaq uponnaq k'a pkiwi i je o chuchi' i mar Arabá chi xaq are i Mar Tza che i b'e chi k-e pa Bet-jesimot xaq uponnaq k'a pa wiqab' che i jyub' Pisga.

⁴ I ajawinel ma Og, chi ajawinel ke i je aj Basán, ire are jun chke i je aj Refa chi xek'asi kanoq, chi xaq je jeqel chila pa Astarot xaq pa Edrei.

⁵ I ajawinel le o pkiwi i je o chwi jyub' Hermón, pkiwi i je o pa Salca xaq pkiwi konojel i je o pa Basán, xaq k'a pkiwi i je o chi kichi' aj Gesur, xaq pkiwi i je aj Maaca, xaq pa nik'aj che i Galaad, chi rulew ma Sehón, ajawinel ke aj Hesbón.

⁶ I je aj Israel ujer ru' utaqanik i etz mam Moisés xekikamsaj i keb' ajawinelab' le xaq i kiwinaq. Te'uri i ma Moisés, chi rajchak i Ajwal, xujach i ulew le chke i je utzob'ajil kan ma Rubén xaq i je utzob'ajil kan ma Gad xaq nik'aj chke i utzob'ajil kan ma Manasés.

Ulapik i uch'akanik ma Josué

⁷ Are kib'i i ajawinelab' iri chi xekamsax kumal i je aj Israel rumal utaqanik ma Josué, i ajawinelab' le je o ch'aqa ya Jordán; i kulew i ajawinelab' le kjeqan li uchi' pa Baal-gad chi o chwa ta'aj Líbano, uponnaq k'a chwi jyub' Halac chi kel b'i pa Seir; xaq i kulew i ajawinelab' le xujach ma Josué chke i kak'al i je aj Israel pa taq kitzob'ajil,

⁸ I ulew chi xjach chke i je aj Israel le o tzam taq jyub' che i ta'aj re i Arabá, uwa jyub' re i tz'inilik jyub' chaqij xaq i Neguev ipa je o wi te'eq i je aj Ferez, je aj Jiw xaq i je aj Jebús.

⁹ I ajawinelab' chi xech'akik je are iri: Ajawinel re i tinimit Jericó, ajawinel re i tinimit Hai chi o putzal i tinimit Betel;

¹⁰ ajawinel re i tinimit Jerusalén, ajawinel re i tinimit Hebrón;

¹¹ ajawinel re i tinimit Jarmut, ajawinel re i tinimit Laquis;

¹² ajawinel re i tinimit Eglón, ajawinel re i tinimit Gezer;

¹³ ajawinel re i tinimit Debir, ajawinel re i tinimit Geder;

¹⁴ ajawinel re i tinimit Horma, ajawinel re i tinimit Arad;

¹⁵ ajawinel re i tinimit Libna, ajawinel re i tinimit Adulam;

¹⁶ ajawinel re i tinimit Maceda, ajawinel re i tinimit Betel;

¹⁷ ajawinel re i tinimit Tapúa, ajawinel re i tinimit Hefer;

¹⁸ ajawinel re i tinimit Afec, ajawinel re i tinimit Sarón;

¹⁹ ajawinel re i tinimit Madón, ajawinel re i tinimit Hazor;

²⁰ ajawinel re i tinimit Simron-merón, ajawinel re i tinimit Acsaf;

²¹ ajawinel re i tinimit Taanac, ajawinel re i tinimit Meguido;

²² ajawinel re i tinimit Cedes, ajawinel re i tinimit Jocneam, chi ajawinel re i tinimit Carmelo;

²³ ajawinel re i tinimit Dor, chi xaq o chila pa Dor, ajawinel re i tinimit Goim, chi o chila pa Gilgal;

²⁴ ajawinel re i tinimit Tirsa. Julajuj juwinaq ajawinelab' xekamsax kumal i je aj Israel.