Esdras 2 - Wuj Pa K'ubultzij

I winaq chi xe'el b'i pa Babilonia

^1-2 Iri are kib'i aj Israel chi xealax chila pa Judá chi xe'elsax b'i pa cho'ab' chwach kulew rumal i ajawinel ma Nabucodonosor aj Babilonia, chi chrijil chik kelsaxik b'i pa cho'ab' chwach kulew, xetzalij chik pa Jerusalén, xek'iji pa jalajuj taq k'ijib'al chila Judá, lik o jujun kok'aw utzam chke pa taq tzob'ajil, ike le je are iri: Ma Zorobabel, ma Jesúa, ma Nehemías, ma Seraías, ma Reelaías, ma Mardoqueo, ma Bilsán, ma Mispar, ma Bigvai, ma Rehum xaq ma Baana.

³ I je umuq uxikin ma Paros, je kab'lajuj wajxaqwinaq jo'mo' (2,172)

⁴ i je umuq uxikin ma Sefatías, je kab'lajuj wajxaqlajujwinaq (372);

⁵ i je umuq uxikin ma Ara, je jo'lajuj wajxaqlajujwinaq jumo' (775);

⁶ i je umuq uxikin ma Pahat-moab, chi ke'eloq, je umuq uxikin ma Josué xaq ma Joab, je kab'lajuj wuqmo' (2,812);

⁷ i je umuq uxikin ma Elam, je kajlajuj kawinaq oxmo' (1,254);

⁸ i je umuq uxikin ma Zatu, je jo'ob' wuqwinaq kamo' (945);

⁹ i je umuq uxikin ma Zacai, je wajxaqlajujwinaq jumo' (760);

¹⁰ i je umuq uxikin ma Bani, je keb' kab'lajujwinaq jumo' (642);

¹¹ i je umuq uxikin ma Bebai, je oxib' julajujwinaq jumo' (623);

¹² i je umuq uxikin ma Azgad, je keb' juwinaq oxmo' (1,222);

¹³ i je umuq uxikin ma Adonicam, je waqib' oxlajujwinaq jumo' (666);

¹⁴ i je umuq uxikin ma Bigvai, je waqlajuj kawinaq jo'mo' (2,056);

¹⁵ i je umuq uxikin ma Adín, je kajlajuj kawinaq jumo' (454);

¹⁶ i je umuq uxikin ma Ater, chi ke'eloq, je umuq uxikin ma Ezequías, je wajxaqlajuj kajwinaq (98);

¹⁷ i je umuq uxikin ma Bezai, je oxib' waqlajujwinaq (323);

¹⁸ i je umuq uxikin ma Jora, je kab'lajuj jo'winaq (112);

¹⁹ i je umuq uxikin ma Hasum, je oxib' julajujwinaq (223);

²⁰ i je umuq uxikin ma Gibar, je jo'lajuj kajwinaq (95);

²¹ i je umuq uxikin ma Belén, je oxib' waqwinaq (123);

²² i achiyab' aj Netofa, je waqlajuj kawinaq (56);

²³ i je umuq uxikin ma Anatot, je wajxaqib' waqwinaq (128);

²⁴ i je umuq uxikin ma Azmavet, je keb' kawinaq (42);

²⁵ i je umuq uxikin ma Quiriat-jearim, ma Cafira xaq ma Beerot, je oxib' wuqlajujwinaq jumo' (743);

²⁶ i je umuq uxikin ma Ramá xaq ma Geba, je jun julajujwinaq jumo' (621);

²⁷ i achiyab' aj Micmas, je keb' waqwinaq (122);

²⁸ i je umuq uxikin ma Bet-el xaq ma Hai, je oxib' julajujwinaq (223);

²⁹ i je umuq uxikin ma Nebo, je kab'lajuj kawinaq (52);

³⁰ i je umuq uxikin ma Magbis, je waqlajuj wuqwinaq (156);

³¹ i je umuq uxikin jun chik ma Elam, je kajlajuj kawinaq oxmo' (1,254);

³² i je umuq uxikin ma Harim, je waqlajujwinaq (320);

³³ i je umuq uxikin ma Lod, ma Hadid xaq ma Ono, je jo'ob' waqlajujwinaq jumo' (725);

³⁴ i je umuq uxikin ma Jericó, je jo'ob' wuqlajujwinaq (345);

³⁵ i je umuq uxikin ma Senaa, je lajuj juwinaq b'elejmo' (3,630).

³⁶ I ajsujul sipon chi je umuq uxikin ma Jedaías, chi je ralk'uwal ma Jesúa, je oxlajuj wajxaqwinaq kamo' (973);

³⁷ i je umuq uxikin ma Imer, je kab'lajuj kab'lajujwinaq kamo' (1,052);

³⁸ i je umuq uxikin ma Pasur, je wuqlajuj kawinaq oxmo' (1,257);

³⁹ i je umuq uxikin ma Harim, je wuqlajuj lajujwinaq kamo' (1,017).

⁴⁰ I aj Leví chi je umuq uxikin ma Jesúa, ma Cadmiel xaq je umuq uxikin ma Hodavías, je kajlajuj oxwinaq (74).

⁴¹ I ajb'ix chi je umuq uxikin ma Asaf, je wajxaqib' waqwinaq (128).

⁴² I kechajiw uxol taq uchija chi je umuq uxikin ma Salum, ma Ater, ma Talmón, ma Acub, ma Hatita xaq ma Sobai, je b'elejlajuj waqwinaq (139) konojel.

⁴³ I ajpatanib' prachoch i Dios, je are umuq uxikin ma Ziha, ma Hasufa, ma Tabaot,

⁴⁴ ma Queros, ma Siaha, ma Padón,

⁴⁵ ma Lebana, ma Hagaba, ma Acub,

⁴⁶ ma Hagab, ma Salmai, ma Hanán,

⁴⁷ ma Gidel, ma Gahar, ma Reaía,

⁴⁸ ma Rezín, ma Necoda, ma Gazam,

⁴⁹ ma Uza, ma Paseah, ma Besai,

⁵⁰ ma Asena, ma Meunim, ma Nefusim,

⁵¹ ma Bacbuc, ma Hacufa, ma Harhur,

⁵² ma Bazlut, ma Mehída, ma Harsa,

⁵³ ma Barcos, ma Sísara, ma Tema,

⁵⁴ ma Nezía xaq je umuq uxikin ma Hatifa.

⁵⁵ I kimuq kixikin i rajpatanib' ma Salomón je are umuq uxikin ma Sotai, ma Soferet, ma Peruda,

⁵⁶ ma Jaala, ma Darcón, ma Gidel,

⁵⁷ ma Sefatías, ma Hatil, ma Poqueret-hazebaim xaq ma Amón.

⁵⁸ I ajpatanib' prachoch i Dios, xaq i kimuq kixikin i rajpatanib' ma Salomón, je kab'lajuj b'elejlajujwinaq (392) konojel.

⁵⁹ I jub'an chi je o chila chi xe'el li pa Tel-mela, Tel-harsa, Querub, Addán xaq pa Imer, chi x-aljin ti chke we lik je aj Israel chkalaxik xaq we xa je alal, je are iri:

⁶⁰ I je umuq uxikin ma Delaía, ma Tobías xaq ma Necoda, je kab'lajuj kab'lajujwinaq jumo' (652) konojel.

⁶¹ I kak'al i ajsujul sipon, je are iri: Je umuq uxikin ma Habaía, ma Cos xaq ma Barzilai chi xk'uli ru' jun chke umi'al ma Barzilai aj Galaad chi xuk'am ub'i uqajaw uji', rumali chi xaqjun kib'i ru'.

⁶² Ire le xtzukux ub'i chupam i wuj pa tz'ib'tal wi kib'i i alk'uwal, xwiri xriqtaj taj, rumali chi xelsax chkixol i ajsujul sipon.

⁶³ Xwi ta la ile, xaq i aj-ok'al utzam i tinimit xub'ij chi ktijaw ti ti'b'alil chi jachom pu'ab' i Dios, k'a kub'ij ni jun ajsujul sipon man kutz'onoj ni che i Urim xaq i Tumim we utz ktijawik.

⁶⁴ Konojel i winaq chi kok'am kib' che i komon le, je wajxaqlajujwinaq jo'mo' jo'chiy (42,360),

⁶⁵ xe'ajlax ti uri i winaq chi je o pa k'ax rumal i rajaw kichak chi achiyab' chi ixoqib', chi je wuqlajuj waqwinaq wajxaqlajujmo' (7,337) konojel. Xaq je o lajujwinaq (200) ajb'ix chi achiyab' chi ixoqib'.

⁶⁶ Xwi ta la ile, xaq je o waqlajuj waqlajujwinaq jumo' (736) kaway, jo'ob' kab'lajujwinaq (245) mulib',

⁶⁷ jo'lajuj juwinaq jumo' (435) kamey xaq waqlajujwinaq waqlajujmo' (6,720) axna.

⁶⁸ Jujun chke i aj-atzil ke i alk'uwal, are xeupon chila Jerusalén ipa o wi te'eq i rachoch i Dios, xkijach kisipon re uyakik chik i rachoch i Dios.

⁶⁹ Xkiya i mer yakb'al re i rachoch i Dios, chrij pacha xetiki chuya'ik chi are iri: Lajuj tintal ru' jo'lajuj oxwinaq (75) pexu an-o'oj, oxwinaq (60) tintal saq-o'oj xaq jo'winaq (100) jurjaq k'ul ke i ajsujul sipon.

⁷⁰ I ajsujul sipon, aj Leví xaq jujun chke i winaq re i tinimit xekanaj kan pa jeqelem chila Jerusalén; xwiri i ajb'ix, ajchajal, konojel ni'pa kki'an kipatan prachoch i Dios xaq i jub'an chik aj Israel, xekanaj kan pa taq kitinimit.