PRIMER LIBRO DE CR%D3NICAS 3 - Wuj Pa K'ubultzij

I je rak'al ma David

¹ I je rak'al ma David chi xealax chila Hebrón je are iri: Ma Amnón chi nab'e rak'al, chi ralab' ati Ahinoam aj pa tinimit Jezreel; i ukab' rak'al are ma Daniel, chi ralab' ati Abigail, aj pa tinimit Carmel;

² i urox are ma Absalón, chi ralab' ati Maaca, chi umi'al ma Talmai, chi ajawinel pa tinimit Gesur; i ukaj are ma Adonías; chi ralab' ati Haguit;

³ i ujo' are ma Sefatías, chi ralab' ati Abital, xaq i uwaq are ma Itream, chi ralab' ati Egla, chi jun chik chke rixoqil ma David.

⁴ I waqib' rak'al ma David le xealax chila pa tinimit Hebrón ipa xrajawin wi wuqub' junab' ru' waqib' ik'. Chrijil chik ile xrajawin oxlajuj juwinaq (33) junab' pa tinimit Jerusalén.

⁵ Chila Jerusalén le xealax chik kajib' rak'al chi je are iri: Ma Simea, ma Sobab, ma Natán xaq ma Salomón. Konojel ni'pa alk'uwalxel le je rak'al ati Bet-súa, chi umi'al ma Amiel.

⁶ Xwi ta la ile, xaq xealax chik b'elejeb' rak'al chi je are iri: Ma Ibhar, ma Elisama, ma Elifelet,

⁷ ma Noga, ma Nefeg, ma Jafía,

⁸ ma Elisama, ma Eliada xaq ma Elifelet.

⁹ Konojel ike le je uk'ojol ma David, xwiri xe'ajlax ti jub'an chik uk'ojol ku' i jub'an chik qas ti mer je rixoqil. I achiyab' le o jun kanab' chi al Tamar ub'i.

I je umuq uxikin ma Salomón

^10-14 I uk'ojol ma Salomón are ma Roboam, uk'ojol ma Roboam are ma Abías, uk'ojol i ma Abías are ma Asa, uk'ojol i ma Asa are ma Josafat, i uk'ojol ma Josafat are ma Joram, i uk'ojol ma Joram are ma Ocozías, i uk'ojol ma Ocozías are ma Joás, i uk'ojol ma Joás are ma Amasías, i uk'ojol ma Amasías are ma Azarías, i uk'ojol ma Azarías are ma Jotam, i uk'ojol ma Jotam are ma Acaz, i uk'ojol ma Acaz are ma Ezequías, i uk'ojol ma Ezequías are ma Manasés, i uk'ojol ma Manasés are ma Amón i uk'ojol i ma Amón are ma Josías.

¹⁵ I je rak'al ma Josías je are iri: Ma Johanán chi are nab'e rak'al, i ukab' are ma Joacim, i urox are ma Sedequías xaq i ukaj are ma Salum.

¹⁶ I je rak'al ma Joacim je are iri: Ma Jeconías xaq ma Sedequías.

¹⁷ I je umuq uxikin ma Jeconías chi xelsax b'i chwach rulew je are iri: Ma Salatiel chi are nab'e rak'al,

¹⁸ ma Malquiram, ma Pedaías, ma Senazar, ma Jecamías, ma Hosama xaq ma Nedabías.

¹⁹ I je rak'al ma Pedaías je are iri: Ma Zorobabel xaq ma Simei. I je rak'al ma Zorobabel je are iri: Ma Mesulam, ma Hananías xaq ati Selomit chi kanab' ike.

²⁰ O jo'ob' chik rak'al: Ma Hasuba, ma Ohel, ma Berequías, ma Hasadías xaq ma Jusab-hesed.

²¹ I je rak'al ma Hananías je are iri: Ma Pelatías xaq ma Jesaías. I je rak'al ma Jesaías je are iri: Ma Refaías, ma Arnán, ma Abdías xaq ma Secanías.

²² I je rak'al ma Secanías je are iri: Ma Semaías; i je rak'al ma Semaías are: Ma Hatús, ma Igal, ma Barías, ma Nearías xaq ma Safat. Je waqib' konojel.

²³ I je rak'al ma Nearías je oxib' konojel: Ma Elioenai, ma Ezequías xaq ma Azricam.

²⁴ I je rak'al ma Elioenai je wuqub' konojel: Ma Hodavías, ma Eliasib, ma Pelaías, ma Acub, ma Johanán, ma Dalaías xaq ma Anani.