Samz 121 - Tèstèman nèf-la: Épi an posyòn an liv samz-la

Sé Senyè-a Ki Ka Pwotèkté Mwen

An chanté pou lè yo té ka mouté Jérouzalèm

¹ Mwen lévé zyé mwen an sé mòn-an. Mwen di, “Ki koté mwen kay jwenn soukou?”

² Soukou mwen ka sòti an lanmen Bondyé Senyè-a ki fè latè èk syèl-la.

³ I pa kay kitéʼw tonbé, moun-an ki ka pwotèktéʼw-la pa ka dòmi.

⁴ Zyé moun-an ki ka véyé sé jan Izwayèl-la pa ka fèmé ni i pa ka dòmi.

⁵ Bondyé Senyè-a kay véyéʼw, Bondyé Senyè-a doubout bò lanmen dwèt ou kon an lonbwaj pou baʼw fwéchè.

⁶ Kon sa, lajouné sòlèy-la pa kay bat ou, ni lalin-an pa kay fèʼw ditò lé swè.

⁷ Bondyé Senyè-a kay pwotèktéʼw hòd tout movèzté, i pa kay kité anyen wivéʼw.

⁸ Bondyé Senyè-a kay pwotèktéʼw ni lè ou ka sòti ni lè ou ka antwé, dépi apwézan èk pou tout tan.