3 Joanes 1 - NISVITAI ITAP ANTAS ANEJOM

¹ AK Ceus etoak upene, ek aiheuc vai euc ainyak, natimi tas alep; et aiyu inivaijec inliinmopok ainyak vai euc.

² Ak etoak upene, ek ugni Atua ainyak, mika an amen upene aiek an niji itai asega, um cehcehe, et idivaig namen upene u nesgam.

³ Eris wat ham a ilpu etoaijau, um asuptecnaig ehelek nedo inivaijec unyum, et idivaig napol unyum an tas inivaijec, kis imyiacitak alupas ainyak.

⁴ Ek wat atahaijeg ainyak, nikavaig, era apol an tas inivaijec a ilpu hal unyak, et imyiacitak esjilid inliinmopok ainyak.

⁵ Ak etoak upene, et inivaijec nedo iji eigki asega as ago aiek vai ilpu etoaijau, im lep vai tak atimi:

⁶ eris asuptecna nedo aiheuc unyum ara sji eigki an nuhup u nup an nakalasia: el et atau imi ra aiek an natga ura, et idiva nedo aiheuc u Atua, etpu upene nedo unyum:

⁷ eris apan ara vai nidan, jam eti leh tah nitai ehele nup urai tak pece.

⁸ Eris idim ika eheleija ti ago nedo aiheuc va atimi idivai ra sji eigki akaija, mika ti ehratau ira ra an tas inivaijec.

⁹ Kis aged intas imi nup an nakalasia ainyak: ja et eti atahaijeg cama a Taiotrifes, aien aigki et merit aien, mika yi esjilid ira ra.

¹⁰ Va nitai ineigki, el ek apam ainyak, ekpu imyiehva ainyak nedo ineig et ago aien, et asan tas ahnag vai cama aien, im intas has: jam eti ago nitai ineigki ache, et lep eti leh ilpu etoaija aien, jam acaiji ra era merit ara, um iknipagki ra an nakalasia.

¹¹ Ak etoak upene, namu jim apitac an nitai ineig et has aiek, jai nitai ineig ache et upene. Aien et ago nedo upene aien, is ahes ehele Atua aien: ja aien et ago nedo has aien, is eti ecet Atua aien.

¹² Era asan tas upene va Temitreus natimi asega, et idim inivaijec intas ura; ecra lep asuptecnaig vai yin aijama; eka lep ato aijaua mika, et inivaijec intas asuptecnaig unyima.

¹³ Kis ika ainyak ki aged niji itai et ahinag, ja ek eti merit ainyak nagedvaig imi euc an wai apeig im nitai aged:

¹⁴ ek ika ainyak ki alum euc tupko, tu tas jipe akaijau. Etmu amen ehelum neigpa. Era aiheuc vai euc a ilpu etoaija. Namu aiheuc vaig athiathi ilpu etoaija aiek.