Maitiú 1 - Na Ċeiṫre Soisgéil agus Gníoṁarṫa na n-Aspol 1915 1921 (Peadar Ua Laoghaire)

CAIBIDIOL I. Geinealaċ Ċríost: do gaḃaḋ agus do rugaḋ é ó ṁaiġdin.

¹ Leaḃar geinealaiġ Íosa Críost ṁic Dáiḃid mic Ábrahaim.

² Do ġein Ábraham Isaac. Agus do ġein Isaac Iácób, agus do ġein Iácób Iúdás agus a ḋriṫáraċa.

³ Agus do ġein Iúdás Ṗáres agus Sára ó Ṫámar. Agus do ġein Ṗáres Esron. Agus do ġein Esron Aram.

⁴ Agus do ġein Aram Aminadab. Agus do ġein Aminadab Naasson. Agus do ġein Naasson Salmon.

⁵ Agus do ġein Salmon Boos ó Raċab. Agus do ġein Boos Obed ó Rút. Agus do ġein Obed Iesse. Agus do ġein Iesse Dáiḃid an rí.

⁶ Agus do ġein Dáiḃid, an rí, Salomón ó’n mnaoi a ḃí ag Urias.

⁷ Agus do ġein Salomón Robóam. Agus do ġein Robóam Abia. Agus do ġein Abia Asa.

⁸ Agus do ġein Asa Iósaṗat. Agus do ġein Iósaṗat Ióram. Agus do ġein Ióram Ósias.

⁹ Agus do ġein Ósias Ióatam. Agus do ġein Ióatam Aċas. Agus do ġein Aċas Esecias.

¹⁰ Agus do ġein Esecias Manasses. Agus do ġein Manasses Amon. Agus do ġein Amon Iosias.

¹¹ Agus do ġein Iosias Ieċonias agus a ḋriṫáraċa i ndaor-ḃruid na Babilóine.

¹² Agus tar éis daor-ḃruide na Babilóine do ġein Ieċonias Salatiel. Agus do ġein Salatiel Sorobabel.

¹³ Agus do ġein Sorobabel Abiud. Agus do ġein Abiud Eliacim. Agus do ġein Eliacim Asor.

¹⁴ Agus do ġein Asor Sadoc. Agus do ġein Sadoc Aċim. Agus do ġein Aċim Eliud.

¹⁵ Agus do ġein Eliud Eleásar. Agus do ġein Eleásar Matan. Agus do ġein Matan Iácób.

¹⁶ Agus do ġein Iácób Ióseṗ, céile Ṁuire, ó n-ar rugaḋ Íosa d’á ngoirtear Críost.

¹⁷ D’á ḃríġ sin na geinealaċa go léir ó Ábraham go dtí Dáiḃid is ċeiṫre glúine déag iad. Agus ó Ḋáiḃid go dtí daor-ḃruid na Babilóine ċeiṫre glúine déag. Agus ó ḋaorḃruid na Babilóine go dtí Críost ċeiṫre glúine déag.

¹⁸ Agus seo mar a ṫárla geineaṁaint Ċríost. Nuair a tugaḋ a ṁáṫair Muire, i gcuing ṗósta, do Ióseṗ, agus roim ṫeaċt d’á ċéile ḋóiḃ, do fuaraḋ go raiḃ gein’n-a broinn aici ó’n Spioraid Naoṁ.

¹⁹ Aċ ó ba ḋuine fíoraonta Ióseṗ, a fear, agus nár ṁaiṫ leis maslaḋ puibiliḋe ṫaḃairt di, ba ṁian leis í ċur uaiḋ a gan ḟios.

²⁰ Aċ ag maċtnaṁ dó ar an méid sin, féaċ, do ṫaisbeáin aingeal an Tiġearna é féin dó i n-aisling, agus duḃairt sé leis. A Ióseṗ, a ṁic Ḋáiḃid, ná bíoḋ aon eagla ort do ḃan-ċéile, Muire, do ġlacaḋ ċúġat, mar is ó’n Spioraid Naoṁ an ġein atá ar iompar aici.

²¹ Agus béarfaiḋ sí mac, agus taḃarfair-se Íosa mar ainim air, óir slánóċaiḋ sé a ḋaoine ó n-a bpeacaíḃ.

²² Agus do ṫuit an méid sin go léir amaċ i dtreó go gcóṁlíonfaí an rud a duḃairt an Tiġearna tré ḃéal an ḟáiḋ nuair aduḃairt sé:

²³ Féaċ, beiḋ gein’n-a broinn ag maiġdin, agus béarfaiḋ sí mac, agus taḃarfaid siad Emmanuél mar ainim air; agus cialluiġeann an ainim sin, Dia linn.

²⁴ Agus nuair a ḋ’eiriġ Ióseṗ as a ċodla do ḋein sé mar a ḋ’órduiġ aingeal an Tiġearna ḋó, agus do ġlac sé ċuige a ḃan-ċéile;

²⁵ Agus níor ċuir sé aiṫne uirṫi go dtí gur rug sí a mac, a céad-ġein, agus ṫug sé Íosa mar ainim air.