Gníoṁarṫa 24 - Na Ċeiṫre Soisgéil agus Gníoṁarṫa na n-Aspol 1915 1921 (Peadar Ua Laoghaire)

CAIBIDIOL XXIV. Pól ’ġá ċosaint féin i láṫair Féilics, an Goḃernóir. An creideaṁ dá ṁúineaḋ aige ḋó.

¹ Ansan, i gcionn ċúig lá, ṫáinig uaċtarán na sagart, Ananías, anuas agur cuid de sna seanóiríḃ, agur cainnteóir dár ḃ’ainim Tertullus, agus ċuadar i láṫair an ġoḃernóra i gcoinniḃ Ṗóil.

^2-3 Do glaoḋaḋ Pól agur ċrom Tertullus ar é ḋaoraḋ: Adṁuiġmíd i gcóṁnuíġe agus ins gaċ ball, Agus le buiḋċas mór, a Ḟéilics oirḋeirc, méid na síoṫċána atá againn de d’ḃarr-sa agus liaċt na neiṫ atá d’á seólaḋ ar leas tréd’ ṁórċiall.

⁴ Aċ, ionus ná cuirfinn a ṫuille ríġnis ort, iarraim ort éisteaċt, de d’ceannsaċt, le beagán focal uainn.

⁵ Fuaramair an fear so, i n’ann-sgian, ag déanaṁ toismisg ameasg na n-Iúdac go léir ar fuid an doṁain agus ’n-a ċeann ar an aicme annrianta san, na Nasarénaċ.

⁶ Do ṁeas sé an teampall do ṡárú agus do rugamair air agus ċeapamair breiṫ a ṫaḃairt air do réir án ndliġe.

⁷ Aċ ṫáinig Lusias, an tribiún, agus neart slóġ aige agus ḃain sé as ár láṁaiḃ é.

⁸ Agus d’órduiġ sé an ṁuinntir a ḃí ag cur ’n-a leiṫ do ṫeaċt ad’ láṫair-se, agus féadfair féin a ḋ’ḟáġail uaiḋ, ad ḃreiṫeaṁ, eólus ar na neiṫiḃ seo go léir atá againne á ċur n-a leiṫ.

⁹ Ansan d’aontuiġ na Iúdaíġ mar an gcéadna agus duḃradar go raiḃ san aṁlaiḋ.

¹⁰ Ansan d’ḟreagair Pól, (óir do ḃagair an Goḃernóir ċuige laḃairt): Ó ’s eól dom go ḃfuilir-se ad ḃreiṫeaṁ ar an náisiún so le fada ’ḃliantaiḃ is móide sin is fonn liom sásaṁ a ṫaḃairt am ṫaoḃ féin.

¹¹ Is féidir duit a ḋ’ḟáġail amaċ ná fuil aċ ḋá lá ḋéag ó ċuas go Ierúsalem ċun aḋarṫa ḋéanaṁ,

¹² Agus ní ḃfuaradar me ag aiġneas le h-aoinne sa teampull, ’ná ag cruinniú na ndaoine, ins na sinagógaiḃ, Ná ar fuid na caṫaraċ;

¹³ agus ni’l ar a gcumas a ṫaisbeáint duit-se gur fíor na neiṫe atá acu ’a ċur am leiṫ.

¹⁴ Adṁuíġim an méid seo ḋuit, áṁṫaċ, i dtaoḃ ná slíġe seo ar a dtugaid siad eiriceaċt, sin mar a ḋeinimse seirbís do’n Aṫair agus do m’Ḋia, óir creidim gaċ uile níd atá sgríoḃṫa sa dliġe agus in sna fáiḋiḃ,

¹⁵ Go ḃfuil mo ṁainiġin agam as Dia, fé mar atá acu so féin, go dtiocfaiḋ aiseiriġe na ndeaġ-daoine agus na ndroċ-ḋaoine.

¹⁶ Táim féin ag déanaṁ mo ḋíċill air seo, mo ċoínsias a ċimeád glan i gcóṁnuiġe ċun Dé agus ċun daoine.

¹⁷ Do ṫánag tar éis mórán blian ċun déarca ḋéanaṁ ar mo ḋaoine féin agus ċun ofrá-laċ a ḋéanaṁ agus ċun móid a ċóṁlíonaḋ.

¹⁸ Sa n-obair sin iseaḋ do fuaradar me am ġlanaḋ sa teampull, agus ní le sluaġ ná le collóid,

¹⁹ Aċ rainnt Iúdaċ ó Ásia, — agus ḃí sé ceart iad san a ṫaḃairt anso ad láṫair agus leogaint dóiḃ neiṫe ċur am leiṫ má ḃí aon rud am ċoinniḃ acu.

²⁰ Nú abraidís seo féin é, má fuaradar aon ċionntaċt ionam nuair a ḃíos am ṡeasaṁ i láṫair na cóṁairle,

²¹ Aċ an t-aon ḟocal aṁáin úd a laḃras amaċ agus me am ṡeasaṁ eatarṫa: Is i dtaoḃ aiseiriġe na marḃ atá breiṫ agaiḃse ’á ṫaḃairt ormsa indiu.

²² Ansan do ċuir Féilics ar cáirde iad, óir do ṫuig sé go cnuinn i dtaoḃ na sliġe sin agus duḃairt sé: Nuair a ṫiocfaiḋ Lusias, an tribiún, anuas éistfead liḃ.

²³ Agus d’órduiġ sé do’n taoiseaċ céad eisean do ċimeád agus suaiṁneas a ṫaḃairt dó agus gan aoinne d’á muinntir a ċosg ar ḟriṫálaṁ a déanaṁ air.

²⁴ Ansan, tar éis suim laeṫanta, ṫáinig Féilics agus a ḃean, Drúsilla, — Iúdaċ aḃ eaḋ í, — agus ġlaoiḋ sé ċuige Pól agus d’éist sé le tuairisg uaiḋ ar an gcreideaṁ atá i n-Íosa Críost.

²⁵ Agus ḃí sé ag léiriú ḋó ar ċeart agus ar ġeanmnaiḋeaċt, agus ar an mḃreiṫeaṁantas atá le teaċt, agus ṫáinig criṫeagla ar Ḟéilics agus duḃairt sé: Imṫiġ anois, aċ nuair a ḃeid caoi agam cuirfead fios ort.

²⁶ Sa n-am gcéadna ḃí sé ag braṫ air ġo dtaḃarfaḋ Pól rainnt airgid dó, agus uime sin ċuir sé fios go minic air agus ḋein sé cainnt leis.

²⁷ Aċ d’imṫig ḋá ḃlain, agus ṫáinig Portius Féstus i n-inead Ḟéilics. Agus mar ṡásaṁ ar na Iúdaíġ d’ḟág Féilics Pól sa ṗríosún.