Ysay 12 - An Bibel Kernewek 20234 (Kernewek Kemmyn)

Grasyans ha Gormel

¹ Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

² Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

³ Hwi a denn dowr gans lowena dhiworth an fentynyow a selwyans.

⁴ Y'n jydh na hwi a lever: Gormelewgh an Arloedh, gelwewgh war y hanow; gwrewgh y wriansow godhvedhys yn mysk an poblow, deklaryewgh y hanow dhe vos ughelhes.

⁵ Kenewgh dhe'n Arloedh, rag ev re wrug oberow bryntin; gwra hemma godhvedhys yn oll an norvys.

⁶ Garm ha kan yn lowen, annedhyas Sion, rag bras yw Sans Ysrael y'n kres ahanas.