Yoshua 12 - An Bibel Kernewek 20234 (Kernewek Kemmyn)

Rol an Vyghternedh a Veu Fethys

¹ Ytho an re ma yw myghternedh an tir, neb a wrug an Ysraelysi aga gweskel, ha kemmeres yn perghennogeth aga thir dres an Yordan troha'n howldrevel, dhiworth nans Arnon dhe venydh Hermon, hag oll an Araba troha'n howldrevel :

² Sihon myghtern an Amorysi, trigys yn Heshbon; ev a rewlyas dhiworth Aroer, usi war lann nans Arnon, dhiworth kres an keynres, ha war hanter Gilead, bys yn nans Yabbok, or an Ammonysi;

³ ha'n Araba bys yn mor Kinnereth troha'n howldrevel, ha bys yn mor an Araba, Mor an Hoelan, troha'n howldrevel, an fordh dhe Beth-yeshimoth, ha dhiworth Teman, yn-dann ledrow Pisga.

⁴ Or Og myghtern Bashan, onan a remenant an Refaim, trigys yn Ashtaroth hag yn Edrei;

⁵ ev a rewlyas war venydh Hermon, Saleka, hag oll Bashan, bys yn or an Geshurysi ha'n Maakathysi, ha hanter Gilead, or Sihon myghtern Heshbon.

⁶ Moyses, gwas an Arloedh, ha'n Ysraelysi a's gweskis; ha Moyses gwas an Arloedh a'n ros avel eretons dhe'n Rewbenysi, an Gadysi ha'n hanter-loeth Manasse.

⁷ An re ma yw myghternedh an tir fethys gans Yoshua ha'n Ysraelysi dres an Yordan troha'n howlsedhes, dhiworth Baal-gad yn nans Lebanon bys yn menydh Halak, a omdhrehav war-tu Seir. Yoshua a ros an tir ma dhe loethow Ysrael avel eretons war-lergh aga rannow,

⁸ y'n vro venydhyek, y'n Shefela, y'n Araba, y'n ledrow, y'n gwylvos, hag y'n Negeb; tir an Hittysi, an Amorysi, an Kananysi, an Perizzysi, an Hivysi, ha'n Yebusysi:

⁹ myghtern Yeriko, onan; myghtern Ay, ogas dhe Bethel, onan;

¹⁰ myghtern Yerusalem, onan; myghtern Hebron, onan;

¹¹ myghtern Yarmuth, onan; myghtern Lakish, onan;

¹² myghtern Eglon, onan; myghtern Gezer, onan;

¹³ myghtern Debir, onan; myghtern Geder, onan;

¹⁴ myghtern Horma, onan; myghtern Arad, onan;

¹⁵ myghtern Libna, onan; myghtern Adullam, onan;

¹⁶ myghtern Makkeda, onan; myghtern Bethel, onan;

¹⁷ myghtern Tappuagh, onan; myghtern Hefer, onan;

¹⁸ myghtern Afek, onan; myghtern Lasharon, onan;

¹⁹ myghtern Madon, onan; myghtern Hasor, onan;

²⁰ myghtern Shimron-meron, onan; myghtern Akshaf, onan;

²¹ myghtern Taanak, onan; myghtern Megiddo, onan;

²² myghtern Kedesh, onan; myghtern Yokneam yn Karmel, onan;

²³ myghtern Dor yn Nafath-dor, onan; myghtern Goyim yn Galile, onan;

²⁴ myghtern Tirsa, onan; oll an myghternedh unnek warn ugens.