Yona 2 - An Bibel Kernewek 20234 (Kernewek Kemmyn)

Salm a Rasyans

¹ Ena Yona a bysis dhe'n Arloedh y Dhuw yn-mes a dorr an pysk,

² ow leverel, My a elwis y'm anken war an Arloedh, hag ev a worthybis dhymm; yn-mes a dorr ifarn y kriis vy rag gweres, ha ty a glewas ow lev.

³ Ty a'm tewlis y'n downder, yn kolonn an moryow, ha'n liv eth a-dro dhymm; oll dha vordardhow ha'th vordonnow a dremenas dresov.

⁴ Ha my a leveris, ‘Pellhes ov vy a-dhiworth dha dhewlagas: fatell wrav vy mires arta troha'th tempel sans?’

⁵ An dowrow a dheuth a-dro dhymm bys y'n enev, an downder a dheuth dresov; goemmon a veu maylys a-dro dhe'm penn.

⁶ Dhe woeles an menydhyow yth yth vy, barrys an nor a'm degeas a-derdro bynitha; mes ty a dhros ow bewnans yn-bann dhiworth an pytt, A Arloedh ow Duw.

⁷ Pan glamderas ow enev ynnov, my a borthas kov a'n Arloedh, ha'm pysadow a dheuth dhis, dhe'th tempel sans.

⁸ An re a wra vri a idolys euver a forsak aga thregeredh aga honan.

⁹ Mes my, gans lev a rasyans, a wra sakrifis dhis; an pyth a ambosis my a gollenow. Selwyans yma dhe'n Arloedh.

¹⁰ Ena an Arloedh a gewsis orth an pysk, hag ev a hwyjas Yona yn-mes war an tir sygh.