Yoel 3 - An Bibel Kernewek 20234 (Kernewek Kemmyn)

Breus Duw war an Kenedhlow

¹ Rag otta, y'n dydhyow na hag y'n termyn na, pan dhrov vy arta kethyon Yuda ha Yerusalem,

² my a guntell oll an kenedhlow ha'ga hembronk dhe nans Yehoshafat, ha mos yn breus gansa ena, a-barth ow fobel ha'm ertach Ysrael, drefenn i dh'aga skattra yn mysk an kenedhlow ha ranna ow thir.

³ I re dewlis prenn rag ow fobel, ha kenwertha mebyon rag horys, ha gwertha mowesi rag gwin, mayth effens.

⁴ Pandra esowgh hwi dhymm, A Tyr ha Sidon, hag oll ranndiryow Filistia? Esowgh hwi owth attyli dhymm? Mars esowgh hwi owth attyli dhymm, yn skav ha toeth men my a dreyl agas pemont arta war agas pennow agas honan.

⁵ Rag hwi re gemmeras ow arghans ha'm owr, ha doen ow thresoryow teg yn agas templow.

⁶ Mebyon Yuda ha mebyon Yerusalem hwi re werthas dhe'n Grekys, orth aga fellhe dhiworth aga oryon aga honan.

⁷ Otta, my a wra dhedha difuna yn-mes a'n tyller ma's gwerthsowgh, ha my a dreyl agas attal arta war agas pennow agas honan.

⁸ Ha my a werth agas mebyon ha'gas myrghes yn diwleuv mebyon Yuda, hag i a wra agas gwertha dhe'n Sabeanys, dhe genedhel pell; rag yndellma an Arloedh re gewsis.

Breus yn Nans Yehoshafat

⁹ Deklaryewgh hemma yn mysk an kenedhlow: pareusewgh rag bresel sans, gwrewgh dhe'n vreselyoryon difuna. Des oll an soudoryon yn-rag, i yn-bann.

¹⁰ Mortholyewgh agas soghyow yn kledhedhyow, ha'gas higow-skethra yn guwow; Gwres an gwann leverel, ‘Kasor ov vy!’

¹¹ Dewgh yn uskis, oll hwi an kenedhlow a-derdro, omguntellewgh ena. Dro yn-nans dha vreselyoryon, A Arloedh.

¹² Gwres an kenedhlow difuna, ha dos yn-bann dhe nans Yehoshafat; rag my a esedh rag breusi oll an kenedhlow a-derdro.

¹³ Kemmerewgh yn-bann an gromman, rag an drevas yw adhves. Dewgh, trettyewgh, rag leun yw an winwask. An kerynyow a fenn, rag bras yw aga droktra.

¹⁴ Routhow, routhow, yn nans an ervirans! Rag ogas yw dydh an Arloedh yn nans an ervirans.

¹⁵ Tewlhes yw an howl ha'n loer, ha'n ster a skon a ri aga golow.

¹⁶ An Arloedh a vedhygel dhiworth Sion, ha dhiworth Yerusalem ev a ri y lev; ha'n nevow ha'n norvys a gren, mes an Arloedh yw skovva rag y bobel ha kastell rag mebyon Ysrael.

Bennathow y'n Termyn a Dheu

¹⁷ Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

¹⁸ Y'n jydh na an menydhyow a dhever gans sugen grappys, an breow a dhinwa leth resek a wra oll goverow Yuda gans dowr. Fenten a dheu yn-mes dhiworth chi an Arloedh ha dowra nans Shittim.

¹⁹ Ejyp a vydh forsakys, hag Edom a vydh gwylvos ynyal, drefenn an freudh gwrys erbynn mebyon Yuda, rag i re skoellyas goes gwiryon yn aga thir.

²⁰ Mes Yuda a vydh annedhys bynitha, ha Yerusalem dhe henedhow oll.

²¹ My a gemmer dial a'ga goes, ha ny asav denvyth dhe vos heb kessydhyans, rag an Arloedh a drig yn Sion.