Salmow 70 - An Bibel Kernewek 20234 (Kernewek Kemmyn)

Dhe vester an keur. Salm a Davydh, rag kovadh.

¹ A Dhuw, fisten dhe'm selwel; A Arloedh, deus uskis dhe'm gweres.

² Perthens i meth ha bedhens shyndys, an re a hwila ow enev; bedhens i treylys war-dhelergh ha konfondys, an re a's teves delit a'm pystik.

³ Bedhens i treylys war-dhelergh drefenn aga meth, an re a lever, ‘Aha, Aha.’

⁴ Lowenhes kemmys a'th hwila ha bedhens i heudhik ynnos jy; ha seul a gar dha selwyans prest leverens, ‘Bedhes Duw meurhes.’

⁵ Mes boghosek ov vy hag edhommek; deus uskis dhymmo vy, A Dhuw. Ty yw ow gwereser ha'm delivrer; A Arloedh, na wra delatya.