Salmow 67 - An Bibel Kernewek 20234 (Kernewek Kemmyn)

An penn-kenysi: gans daffar kerdyn. Salm. Kan.

¹ Duw re bo grassyes orthyn, ha'gan benniga ha re wrello dh'y fas golowi warnan. Sela.

² Rag may fo dha fordh aswonnys war an nor, dha selwyans yn mysk oll an kenedhlow.

³ Re'th wormello an poblow, A Dhuw; re'th wormello oll an poblow.

⁴ Bedhes an kenedhlow heudhik ha garma yn lowen, rag ty a vreus an poblow gans ewnder, ha kevarwoedha an kenedhlow war an nor. Sela.

⁵ Re'th wormello an poblow, A Dhuw; re'th wormello oll an poblow.

⁶ An dor re ros y drevas; Duw, agan Duw re'gan bennigas.

⁷ Duw re'gan bennikko; ha perthes own anodho oll pennow an norvys.