Salmow 46 - An Bibel Kernewek 20234 (Kernewek Kemmyn)

Dhe vester an keur. Salm a vebyon Koragh. War Alamoth. Kan.

¹ Duw yw agan skovva ha'gan nerth, gweres yn anken na fyll nevra.

² Rakhenna ny berthyn own, kyn fo an nor chanjys, ha kyn krenno an menydhyow yn kres an mor;

³ kyn tarenno y dhowrow hag ewyni, ha kyn krenno an menydhyow gans y hwythfians. Sela.

⁴ Yma avon, ha'y goverow a lowenha sita Duw, an tyller sans, trigva an Ughella.

⁵ Yma Duw a-bervedh ynni, ytho ny wra hi krena; Duw a weres dhedhi orth tardh an jydh.

⁶ An kenedhlow a dervas, an gwlaskordhow a grenas; ev a ros y lev, an nor a deudhis.

⁷ Yma Arloedh an luyow genen ni; Duw Yakob yw agan skovva. Sela.

⁸ Dewgh, mirewgh orth obereth an Arloedh; pana derroes re wrug ev war an nor.

⁹ Ev a wra dhe vreselyow hedhi bys yn pennow an nor; ev a derr an warak, ha treghi an guw, ha leski an charettow y'n tan.

¹⁰ Bedhewgh kosel, ha godhvydhewgh my dhe vos Duw; my a vydh ughelhes yn mysk an kenedhlow, my a vydh ughelhes y'n nor.

¹¹ Yma Arloedh an luyow genen ni; Duw Yakob yw agan skovva. Sela.