Salmow 4 - An Bibel Kernewek 20234 (Kernewek Kemmyn)

Dhe vester an keur: gans daffar kerdyn. Salm a Davydh.

¹ Gorthyp dhymm pan alwav, A Dhuw ow ewnder! Ty a'm gorras yn rydhses pan en vy yn anken. Bydh grassyes orthiv, ha klew ow fysadow.

² Hwi vebyon den, pygemmys prys y fydh ow golewder treylys dhe dhespit? Pygemmys prys y kerowgh euveredh, ow hwilas gow? Sela.

³ Mes godhvydhewgh an Arloedh dhe apoyntya an den duwek dhodho y honan; an Arloedh a glew pan alwav warnodho.

⁴ Krenewgh, ha na beghewgh; kewsewgh yn agas kolonn war agas gweli, ha bedhewgh tawesek. Sela.

⁵ Offrynnewgh sakrifisow ewnder, ha trestyewgh y'n Arloedh.

⁶ Lies huni a lever, ‘Piw a dhiskwa dader dhyn ni? Drehav warnan golow dha fas, A Arloedh.’

⁷ Ty re worras lowender y'm kolonn moy ages y'n termyn may feu aga ys ha'ga gwin ynkressys.

⁸ Yn kres my a wrowedh ha koska; drefenn ty dha honan, A Arloedh, dhe wul dhymm triga yn sawder.