Salmow 20 - An Bibel Kernewek 20234 (Kernewek Kemmyn)

Dhe vester an keur. Salm a Davydh.

¹ An Arloedh re worthyppo dhis yn dydh anken! Hanow Duw Yakob re'th wittho.

² Re dhannvonno ev gweres dhis dhiworth an sentri, ha'th krevhe jy dhiworth Sion!

³ Re bortho kov a'th offrynnow oll, ha degemmeres dha offrynnow leskys! Sela.

⁴ Re wrontyo dhis hwans dha golonn, ha kowlwul oll dha gusul.

⁵ Kriyn yn lowen y'th selwyans, hag yn hanow an Arloedh agan Duw ni a dhrehav agan baneryow. Re gowlwrello an Arloedh oll dha wovynnadow.

⁶ Lemmyn my a woer an Arloedh dhe selwel y Untys; ev a worthyp dhodho dhiworth nevow y sansoleth y'n nerth a selwyans y leuv dhyghow.

⁷ Re a drest yn charettow ha re yn mergh; mes ni a berth kov a hanow an Arloedh agan Duw.

⁸ Plegys yns dhe'n dor, ha koedhys; mes ni a omdhrehav, ha sevel a'gan sav.

⁹ A Arloedh, salw an Myghtern; ha gorthyp dhyn y'n jydh may helwyn.