Salmow 150 - An Bibel Kernewek 20234 (Kernewek Kemmyn)

¹ Gormelewgh an Arloedh. Gormelewgh Duw yn y sentri; gormelewgh ev yn fyrmament y nerth.

² Gormelewgh ev drefenn y wriansow nerthek; gormelewgh ev herwydh y vraster meur.

³ Gormelewgh ev gans son an trompa; gormelewgh ev war an delynn ha'n sowtri.

⁴ Gormelewgh ev gans an tabour ha'n dons; gormelewgh ev gans kerdyn ha'n bib.

⁵ Gormelewgh ev war an symbalys kesson; gormelewgh ev war an symbalys ughel aga son.

⁶ Oll myns a'n jeves anall, gormelens i an Arloedh. Gormelewgh an Arloedh.