Salmow 136 - An Bibel Kernewek 20234 (Kernewek Kemmyn)

¹ Grassewgh dhe'n Arloedh, rag ev yw da, rag y dregeredh a dhur bys vykken.

² Grassewgh dhe Dhuw an duwow, rag y dregeredh a dhur bys vykken.

³ Grassewgh dhe Arloedh an arlydhi, rag y dregeredh a dhur bys vykken;

⁴ neb y honan a wra marthusyon meur, rag y dregeredh a dhur bys vykken;

⁵ neb a wrug an nevow gans konvedhes, rag y dregeredh a dhur bys vykken;

⁶ neb a ystynnas an nor a-ugh an dowrow, rag y dregeredh a dhur bys vykken;

⁷ neb a wrug golowys meur, rag y dregeredh a dhur bys vykken;

⁸ an howl dhe rewlya dydhweyth, rag y dregeredh a dhur bys vykken;

⁹ an loer ha'n ster dhe rewlya nosweyth, rag y dregeredh a dhur bys vykken;

¹⁰ neb a weskis Ejyp yn aga re gynsa-genys, rag y dregeredh a dhur bys vykken;

¹¹ ha dri Ysrael yn-mes a'ga mysk, rag y dregeredh a dhur bys vykken;

¹² dre leuv grev ha dre vregh ystynnys, rag y dregeredh a dhur bys vykken;

¹³ neb a rannas an Mor Rudh yn diw rann, rag y dregeredh a dhur bys vykken;

¹⁴ ha gul dhe Ysrael tremena der an kres anodho, rag y dregeredh a dhur bys vykken;

¹⁵ ha domhwel Faro ha'y lu y'n Mor Rudh, rag y dregeredh a dhur bys vykken;

¹⁶ neb a hembronkas y bobel der an difeyth, rag y dregeredh a dhur bys vykken;

¹⁷ neb a weskis myghternedh veur, rag y dregeredh a dhur bys vykken;

¹⁸ ha ladha myghternedh vryntin, rag y dregeredh a dhur bys vykken;

¹⁹ Sihon myghtern an Amorysi, rag y dregeredh a dhur bys vykken;

²⁰ Og myghtern Bashan, rag y dregeredh a dhur bys vykken;

²¹ hag ev a ros aga thir yn ertach, rag y dregeredh a dhur bys vykken;

²² yn ertach dhe Ysrael y was, rag y dregeredh a dhur bys vykken;

²³ neb a borthas kov ahanan yn agan iselder, rag y dregeredh a dhur bys vykken;

²⁴ ha'gan delivra dhiworth agan eskerens, rag y dregeredh a dhur bys vykken;

²⁵ neb a re boes dhe bub kig, rag y dregeredh a dhur bys vykken.

²⁶ Grassewgh dhe Dhuw an nev, rag y dregeredh a dhur bys vykken.