Salmow 128 - An Bibel Kernewek 20234 (Kernewek Kemmyn)

Salm gradhow.

¹ Gwynn y vys seul a berth own a'n Arloedh, seul a gerdh yn y fordhow.

² Rag ty a dheber frut dha lavur; gwynn dha vys, ha seweni ty a wra.

³ Dha wreg a vydh kepar ha gwinbrenn leun a frut a-bervedh yn dha chi; ha'th fleghes kepar hag eginyow olewbrenn oll a-dro dhe'th voes.

⁴ Otta, yndella y fydh benniges an gour neb a berth own a'n Arloedh.

⁵ An Arloedh a'th vennik yn-mes a Sion, ha ty a wel sewenyans Yerusalem dres oll dydhyow dha vewnans.

⁶ Ha ty a wel an fleghes a'th fleghes jy; kres war Ysrael.