Salmow 126 - An Bibel Kernewek 20234 (Kernewek Kemmyn)

Salm gradhow.

¹ Pan dreylyas an Arloedh kethneth Sion, yth en ni kepar ha'n re owth hunrosa.

² Ena lenwys veu agan ganow a hwarth, ha'gan taves a lowena. Ena y lavarsons yn mysk an kenedhlow, ‘An Arloedh re wrug taklow meur rag an re ma.’

³ Yn hwir, an Arloedh re wrug dhyn taklow meur; lowen en ni.

⁴ Treyl, A Arloedh, agan kethneth kepar ha goverow yn difeyth an dyghow.

⁵ Seul a wonis has yn dagrow a vydh ow mysi yn lowena.

⁶ Neb eus ow mos yn unn oela, ow toen y sagh a has, a dheu arta gans garmow a lowena, ow tri ganso y vanalow.