Salmow 121 - An Bibel Kernewek 20234 (Kernewek Kemmyn)

Salm gradhow.

¹ My a dhrehav ow dewlagas dhe'n menydhyow; a-ble teu ow gweres?

² Ow gweres a dheu a-dhiworth an Arloedh, neb a formyas nev ha nor.

³ Ny as ev dha droes dhe drebuchya; ny gosk neb a wra dha witha.

⁴ Otta, gwithyas Ysrael, ny gosk ev na powes.

⁵ An Arloedh yw dha withyas; an Arloedh yw dha skeus orth dha leuv dhyghow.

⁶ Ny'th wysk an howl dydhweyth, na'n loer yn termyn nos.

⁷ An Arloedh a'th with rag pub dregynn; ev yw neb a with dha enev.

⁸ An Arloedh a'th with ow mos dhe-ves hag ow tos a-ji alemma rag ha bys vykken.