Salmow 114 - An Bibel Kernewek 20234 (Kernewek Kemmyn)

¹ Pan eth Ysrael mes a Ejyp, chi Yakob a-dhiworth pobel astranj aga yeth,

² Yuda o y sentri, hag Ysrael y vestrynsys.

³ An mor a welas henna, ha fia; an Yordan a dreylyas war-dhelergh.

⁴ An menydhyow a derlemmis kepar ha hordhes, ha'n brennow kepar ha deves yowynk.

⁵ Pandr'a hwer dhis, A vor, ty dhe fia, ty, Yordan, dhe dreylya war-dhelergh?

⁶ Hwi venydhyow, dhe derlemmel kepar ha hordhes; hwi vrennow, kepar ha deves yowynk?

⁷ Kren, A dhor, a-dherag an Arloedh, a-dherag Duw Yakob,

⁸ neb a dreylyas an garrek dhe boll a dhowr, an men flynt dhe fenten dowr.