Salmow 113 - An Bibel Kernewek 20234 (Kernewek Kemmyn)

¹ Gormelewgh an Arloedh. Gormelewgh an Arloedh, hwi wesyon an Arloedh, gormelewgh hanow an Arloedh.

² Benniges re bo hanow an Arloedh alemma rag ha bys vykken.

³ Dhiworth an howldrevel bys y'n howlsedhes gormelys yw hanow an Arloedh.

⁴ Ughel a-ugh oll an kenedhlow yma an Arloedh, hag yma y wolewder a-ugh an nevow.

⁵ Piw yw kepar ha'n Arloedh agan Duw, neb a'n jeves y drigva a-vann,

⁶ neb a vir pell yn-nans dhe weles nev ha nor?

⁷ Ev a gemmer an den gwann yn-mes a'n doust, ha drehevel an boghosek yn-mes a'n lusuek;

⁸ Rag ma'n gorro gans pennsevigyon, gans pennsevigyon y bobel ev.

⁹ Ev a wra dhe'n wreg anvap synsi chi, ha bos mamm lowen a fleghes. Gormelewgh an Arloedh.