Salmow 111 - An Bibel Kernewek 20234 (Kernewek Kemmyn)

¹ Gormelewgh an Arloedh. My a ras dhe'n Arloedh a leun golonn, yn kowethas an re ewnhynsek hag y'n kuntelles.

² Meur yw oberow an Arloedh, hwilys gans oll an re a lowenha ynna.

³ Y ober yw leun a wordhyans hag enor, ha'y ewnder a dhur bys vykken.

⁴ Ev a wrug dh'y oberow marthys bos kovhes; grassyes ha truedhek yw an Arloedh.

⁵ Ev re ros sosten dhe'n re a'n own; ev a berth kov a'y gevambos bynitha.

⁶ Ev re dherivas dh'y bobel galloes y wriansow, rag may rollo dhedha ertach an kenedhlow.

⁷ Gwriansow y dhiwleuv yw gwirder ha gwirvreus; oll y arghadowyow yw sur.

⁸ Fastys yns i bys vykken ha bynnari, ha gwrys yn gwirder hag ewnder.

⁹ Ev re dhannvonas daspren dh'y bobel; ev re worhemmynnis y gevambos bynitha; sans hag ownys yw y hanow.

¹⁰ Own an Arloedh yw an dalleth a furneth; yma skians da dhe oll an re a wra hemma; y wormola a dhur bys vykken.