Salmow 110 - An Bibel Kernewek 20234 (Kernewek Kemmyn)

Salm a Davydh.

¹ An Arloedh a leveris dhe'm Arloedh, ‘Esedh orth ow leuv dhyghow, erna wrylliv dha eskerens dha skavell-droes.’

² An Arloedh a dhyllo gwelenn dha nerth yn-mes a Sion. Rewl ty yn mysk dha eskerens.

³ Yma genes mestrynses yn dydh dha nerth, yn splannderyow sansoleth. Dhiworth brys an bora y fydh genes gluth dha yowynkneth.

⁴ An Arloedh re dos, ha ny dhenagh, ‘Ty yw oferyas bynitha war-lergh ordyr Melkisedek.’

⁵ An Arloedh orth dha leuv dhyghow a vrew myghternedh yn dydh y sorr.

⁶ Ev a vreus yn mysk an kenedhlow; ev a's lenow a gorfow marow, ha brewi kregyn yn lies bro.

⁷ Eva a wra mes a'n gover ryb an fordh; rakhenna ev a dhrehav y benn.