Salmow 100 - An Bibel Kernewek 20234 (Kernewek Kemmyn)

Salm a rasyans.

¹ Gwrewgh tros heudhik dhe'n Arloedh, oll an nor.

² Servyewgh an Arloedh gans lowena; dewgh a-dheragdho gans kan.

³ Godhvydhewgh an Arloedh dhe vos Duw; ev yw neb re'gan formyas, hag ev a'gan pew; yth on ni y bobel, ha deves y beurva.

⁴ Ewgh yn y borthow gans grasyans, hag yn y glosyow gans gormola. Godhvydhewgh gras dhodho, ha bennigewgh y hanow.

⁵ Rag da yw an Arloedh; y dregeredh a dhur bys vykken, ha'y lelder a dhur a unn henedh dhe'n nessa.