Niverow 7 - An Bibel Kernewek 20234 (Kernewek Kemmyn)

Offrynnow an Hembrenkysi

¹ Y'n jydh may hworfennsa Moyses settya an tabernakel, ha'y untya ha'y sakra gans oll y dhaffar, hag untya ha sakra an alter gans oll y dhaffar,

² hembrenkysi Ysrael, pennow chiow aga thasow, hembrenkysi an loethow, esa a-ugh an re a veu niverys,

³ a dhros aga offrynnow a-rag an Arloedh, hwegh kert kudhys ha dewdhek ojyon, kert rag pub dew a'n hembrenkysi, ha rag pub huni unn ojyon; i a's offrynnas a-rag an tabernakel.

⁴ Ena an Arloedh a leveris dhe Moyses,

⁵ Degemmer an re ma a-dhiworta, may fons devnydhys ow kul servis tylda an kuntelles, ha'ga ri dhe'n Levysi, dhe bub gour herwydh y servis.

⁶ Ytho Moyses a gemmeras an kertys ha'n oghen ha'ga ri dhe'n Levysi.

⁷ Dew gert ha peswar ojyon ev a ros dhe vebyon Gershon, herwydh aga servis;

⁸ ha peswar kert hag eth ojyon ev a ros dhe vebyon Merari, herwydh aga servis, yn-dann gevarwoedhyans Ithamar mab Aron an oferyas.

⁹ Mes dhe vebyon Kohath ny ros travyth, drefenn aga bos charjys gans gwith an taklow sans hag a dela bos degys war an skoedh.

¹⁰ Ha'n hembrenkysi a offrynnas offrynnow rag sakrans an alter y'n jydh may feu untys; ha'n hembrenkysi a offrynnas aga offrynn a-rag an alter.

¹¹ Ha'n Arloedh a leveris dhe Moyses: I a wra offrynna aga offrynnow, unn hembrenkyas pub dydh, rag sakrans an alter.

¹² Ev neb a offrynnas y offrynn an kynsa dydh o Nahshon mab Amminadab, a loeth Yuda;

¹³ ha'y offrynn o unn plat a arghans ha dhodho poes a gans shekel ha deg warn ugens, unn bolla a arghans a dheg shekel ha tri-ugens, war-lergh shekel an sentri, ha'n dhew anedha leun a vleus fin kemmyskys gans oyl rag offrynn greun;

¹⁴ unn skudell a owr a dheg shekel, leun a ynkys;

¹⁵ unn tarow yowynk, unn hordh, unn oen gorow a unn bloedh, rag offrynn leskys;

¹⁶ unn bogh rag offrynn pegh;

¹⁷ ha rag an sakrifis a offrynnow kres, dew ojyon, pymp hordh, pymp bogh, ha pymp oen unn bloedh. Hemm o offrynn Nahshon mab Amminadab.

¹⁸ Y'n nessa dydh Nethanel mab Suar, hembrenkyas Yssakar, a wrug offrynn;

¹⁹ ev a offrynnas rag y offrynn unn plat a arghans ha dhodho poes a gans shekel ha deg warn ugens, unn bolla a arghans a dheg shekel ha tri-ugens, war-lergh shekel an sentri, ha'n dhew leun a vleus fin kemmyskys gans oyl rag offrynn greun;

²⁰ unn skudell a owr a dheg shekel, leun a ynkys;

²¹ unn tarow yowynk, unn hordh, unn oen gorow a unn bloedh, rag offrynn leskys;

²² unn bogh rag offrynn pegh;

²³ ha rag an sakrifis a offrynnow kres, dew ojyon, pymp hordh, pymp bogh, ha pymp oen gorow a unn bloedh. Hemm o offrynn Nethanel mab Suar.

²⁴ Y'n tressa dydh Eliab mab Helon, hembrenkyas mebyon Zebulun:

²⁵ y offrynn o unn plat a arghans ha dhodho poes a gans shekel ha deg warn ugens, unn bolla a arghans a dheg shekel ha tri-ugens, war-lergh shekel an sentri, ha'n dhew anedha leun a vleus fin kemmyskys gans oyl rag offrynn greun;

²⁶ unn skudell a owr a dheg shekel, leun a ynkys;

²⁷ unn tarow yowynk, unn hordh, unn oen gorow a unn bloedh, rag offrynn leskys;

²⁸ unn bogh rag offrynn pegh;

²⁹ ha rag an sakrifis a offrynnow kres, dew ojyon, pymp hordh, pymp bogh, ha pymp oen unn bloedh. Hemm o offrynn Eliab mab Helon.

³⁰ Y'n peswora dydh Elisur mab Shedeur, hembrenkyas mebyon Rewben:

³¹ y offrynn o unn plat a arghans ha dhodho poes a gans shekel ha deg warn ugens, unn bolla a arghans a dheg shekel ha tri-ugens, war-lergh shekel an sentri, ha'n dhew anedha leun a vleus fin kemmyskys gans oyl rag offrynn greun;

³² unn skudell a owr a dheg shekel, leun a ynkys;

³³ unn tarow yowynk, unn hordh, unn oen gorow a unn bloedh, rag offrynn leskys;

³⁴ unn bogh rag offrynn pegh;

³⁵ ha rag an sakrifis a offrynnow kres, dew ojyon, pymp hordh, pymp bogh, ha pymp oen unn bloedh. Hemm o offrynn Elisur mab Shedeur.

³⁶ Y'n pympes dydh Shelumiel mab Surishadday, hembrenkyas mebyon Simeon:

³⁷ y offrynn o unn plat a arghans ha dhodho poes a gans shekel ha deg warn ugens, unn bolla a arghans a dheg shekel ha tri-ugens, war-lergh shekel an sentri, ha'n dhew anedha leun a vleus fin kemmyskys gans oyl rag offrynn greun;

³⁸ unn skudell a owr a dheg shekel, leun a ynkys;

³⁹ unn tarow yowynk, unn hordh, unn oen gorow a unn bloedh, rag offrynn leskys;

⁴⁰ unn bogh rag offrynn pegh;

⁴¹ ha rag an sakrifis a offrynnow kres, dew ojyon, pymp hordh, pymp bogh, ha pymp oen unn bloedh. Hemm o offrynn Shelumiel mab Surishadday.

⁴² Y'n hweghves dydh Eliasaf mab Deuel, hembrenkyas mebyon Gad:

⁴³ y offrynn o unn plat a arghans ha dhodho poes a gans shekel ha deg warn ugens, unn bolla a arghans a dheg shekel ha tri-ugens, war-lergh shekel an sentri, ha'n dhew leun a vleus fin kemmyskys gans oyl rag offrynn greun;

⁴⁴ unn skudell a owr a dheg shekel, leun a ynkys;

⁴⁵ unn tarow yowynk, unn hordh, unn oen gorow a unn bloedh, rag offrynn leskys;

⁴⁶ unn bogh rag offrynn pegh;

⁴⁷ ha rag an sakrifis a offrynnow kres, dew ojyon, pymp hordh, pymp bogh, ha pymp oen unn bloedh. Hemm o offrynn Eliasaf mab Deuel.

⁴⁸ Y'n seythves dydh Elishama mab Ammihud, hembrenkyas mebyon Efraym:

⁴⁹ y offrynn o unn plat a arghans ha dhodho poes a gans shekel ha deg warn ugens shekel, unn bolla a arghans a dheg shekel ha tri-ugens, war-lergh shekel an sentri, ha'n dhew anedha leun a vleus fin kemmyskys gans oyl rag offrynn greun;

⁵⁰ unn skudell a owr a dheg shekel, leun a ynkys;

⁵¹ unn tarow yowynk, unn hordh, unn oen gorow a unn bloedh, rag offrynn leskys;

⁵² unn bogh rag offrynn pegh;

⁵³ ha rag an sakrifis a offrynnow kres, dew ojyon, pymp hordh, pymp bogh, ha pymp oen unn bloedh. Hemm o offrynn Elishama mab Ammihud.

⁵⁴ Y'n ethves dydh Gamaliel mab Pedasur, hembrenkyas mebyon Manasse:

⁵⁵ y offrynn o unn plat a arghans ha dhodho poes a gans shekel ha deg warn ugens, unn bolla a arghans a dheg shekel ha tri-ugens, war-lergh shekel an sentri, ha'n dhew anedha leun a vleus fin kemmyskys gans oyl rag offrynn greun,

⁵⁶ unn skudell a owr a dheg shekel, leun a ynkys;

⁵⁷ unn tarow yowynk, unn hordh, unn oen gorow a unn bloedh, rag offrynn leskys;

⁵⁸ unn bogh rag offrynn pegh;

⁵⁹ ha rag an sakrifis a offrynnow kres, dew ojyon, pymp hordh, pymp bogh, ha pymp oen unn bloedh. Hemm o offrynn Gamaliel mab Pedasur.

⁶⁰ Y'n nawves dydh Abidan mab Gideoni, hembrenkyas mebyon Benyamin:

⁶¹ y offrynn o unn plat a arghans ha dhodho poes a gans shekel ha deg warn ugens, unn bolla a arghans a dheg shekel ha tri-ugens, war-lergh shekel an sentri, ha'n dhew leun a vleus fin kemmyskys gans oyl rag offrynn greun;

⁶² unn skudell a owr a dheg shekel, leun a ynkys;

⁶³ unn tarow yowynk, unn hordh, unn oen gorow a unn bloedh, rag offrynn leskys;

⁶⁴ unn bogh rag offrynn pegh;

⁶⁵ ha rag an sakrifis a offrynnow kres, dew ojyon, pymp hordh, pymp bogh, ha pymp oen unn bloedh. Hemm o offrynn Abidan mab Gideoni.

⁶⁶ Y'n degves dydh Ahiezer mab Ammishadday, hembrenkyas mebyon Dan:

⁶⁷ y offrynn o unn plat a arghans ha dhodho poes a gans shekel ha deg warn ugens, unn bolla a arghans a dheg shekel ha tri-ugens, war-lergh shekel an sentri, ha'n dhew leun a vleus fin kemmyskys gans oyl rag offrynn greun;

⁶⁸ unn skudell a owr a dheg shekel, leun a ynkys;

⁶⁹ unn tarow yowynk, unn hordh, unn oen gorow a unn bloedh, rag offrynn leskys;

⁷⁰ unn bogh rag offrynn pegh;

⁷¹ ha rag an sakrifis a offrynnow kres, dew ojyon, pymp hordh, pymp bogh, ha pymp oen unn bloedh. Hemm o offrynn Ahiezer mab Ammishadday.

⁷² Y'n unnegves dydh Pagiel mab Okran, hembrenkyas gwer Asher:

⁷³ y offrynn o unn plat a arghans ha dhodho poes a gans shekel ha deg warn ugens, unn bolla a arghans a dheg shekel ha tri-ugens, war-lergh shekel an sentri, ha'n dhew leun a vleus fin kemmyskys gans oyl rag offrynn greun;

⁷⁴ unn skudell a owr a dheg shekel, leun a ynkys;

⁷⁵ unn tarow yowynk, unn hordh, unn oen gorow a unn bloedh, rag offrynn leskys;

⁷⁶ unn bogh rag offrynn pegh;

⁷⁷ ha rag an sakrifis a offrynnow kres, dew ojyon, pymp hordh, pymp bogh, ha pymp oen unn bloedh. Hemm o offrynn Pagiel mab Okran.

⁷⁸ Y'n dewdhegves dydh Ahira mab Enan, hembrenkyas mebyon Naftali:

⁷⁹ y offrynn o unn plat a arghans ha dhodho poes a gans shekel ha deg warn ugens, unn bolla a arghans a dheg shekel ha tri-ugens, war-lergh shekel an sentri, ha'n dhew leun a vleus fin kemmyskys gans oyl rag offrynn greun;

⁸⁰ unn skudell a owr a dheg shekel, leun a ynkys;

⁸¹ unn tarow yowynk, unn hordh, unn oen gorow a unn bloedh, rag offrynn leskys;

⁸² unn bogh rag offrynn pegh;

⁸³ ha rag an sakrifis a offrynnow kres, dew ojyon, pymp hordh, pymp bogh, ha pymp oen unn bloedh. Hemm o offrynn Ahira mab Enan.

⁸⁴ Hemm o rag sakrans an alter, y'n jydh may feu untys, a-dhiworth hembrenkysi Ysrael: dewdhek plat a arghans, dewdhek bolla a arghans, dewdhek skudell a owr,

⁸⁵ pub plat a arghans gans poes a gans shekel ha deg warn ugens, ha pub bolla deg ha tri-ugens, oll an arghans a'n lestri dew vil ha peswar kans a shekalim war-lergh shekel an sentri,

⁸⁶ dewdhek skudell a owr, leun a ynkys, ow poesa deg shekel pub huni war-lergh shekel an sentri, oll an owr a'n skudellow ow pos kans hag ugens shekel;

⁸⁷ oll an gwarthek rag an offrynn leskys dewdhek tarow, dewdhek hordh, dewdhek oen unn bloedh, gans aga offrynn greun; ha dewdhek bogh rag offrynn pegh,

⁸⁸ hag oll an gwarthek rag an sakrifis a offrynnow kres peswar tarow warn ugens, an hordhes tri-ugens, an boghes tri-ugens, an eyn unn bloedh tri-ugens. Hemm o offrynn an sakrans rag an alter pan veu untys.

⁸⁹ Ha pan eth Moyses dhe dylda an kuntelles dhe gewsel gans an Arloedh, ev a glewas lev ow kewsel orto a-ugh an dregeredhva hag esa war argh an dustuni, yntra dew gerub; hag ev a gewsis orto.