Niverow 30 - An Bibel Kernewek 20234 (Kernewek Kemmyn)

Ambosow gwrys gans Benynes

¹ Moyses a leveris dhe bennow an loethow a vebyon Ysrael: Hemm yw an pyth re worhemmynnis an Arloedh.

² Gour pan wra ambos dhe'n Arloedh, po pan de ti dhe omgelmi dre dhedhewadyow, ny wra terri y er; ev a wra herwydh pup-tra a dheu a'y anow.

³ Po pan ambos benyn ambos dhe'n Arloedh, hag omgelmi dre dhedhewadyow, ha hi yn chi hy thas, yn hy yowynkneth,

⁴ ha'y thas a glew a'y ambos hag a'y dedhewadyow dredho mayth omgolmas hi, ha ny lever travyth dhedhi; ena oll hy ambosow a wra sevel, ha pub dedhewadyow dredho mayth omgolmas a wra sevel.

⁵ Mes mar kwra hy thas y skonya dhedhi y'n jydh may klew anodho, ambos vyth anedhi, dedhewadyow vyth anedhi dredho mayth omgolmas hi, ny wra sevel; ha'n Arloedh a wra gava dhedhi, drefenn hy thas dhe sevel er hy fynn.

⁶ Ha mars yw hi demmedhys dhe wour, ha hi yn-dann hy ambosow po lavar dibreder a'y diwweus dredho mayth omgolmas hi,

⁷ ha'y gour a glew anodho, ha ny lever travyth dhedhi y'n jydh ma'n klew; ena hy ambosow a wra sevel, ha'y ambosow dredha mayth omgolmas a wra sevel.

⁸ Mes y'n jydh may teu hy gour dhe glewes anodho ha'y skonya dhedhi, ena ev a wra dilea hy ambos esa warnedhi, ha'n lavar dibreder a'y diwweus, dredho mayth omgolmas; ha'n Arloedh a wra gava dhedhi.

⁹ Mes ambos gwedhwes po benyn dhidhemmedh, neptra dredhi mayth omgolmas, a wra sevel er hy fynn.

¹⁰ Ha mar ambosas yn chi hy gour, po omgelmi dre dhedhewadyow gans li,

¹¹ ha'y gour a glewas anodho, ha ny leveris travyth dhedhi, ha ny wrug y skonya dhedhi; ena oll hy ambosow a wra sevel, ha pub dedhewadyow dredho mayth omgolmas a wra sevel.

¹² Mes mar kwra hy gour aga dilea y'n jydh ma's klew, ena pyth pynag a dheffo a'y diwweus a-dro dh'y ambosow, po a-dro dh'y dedhewadyow, ny wra sevel: hy gour re's dileas, ha'n Arloedh a wra gava dhedhi.

¹³ Ambos pynag, po dedhewadyowyow tes pynag dhe omjastia, hy gour a yll selya, po hy gour a yll dilea.

¹⁴ Mes mar ny lever hy gour travyth dhedhi a dhydh dhe dhydh, ena ev a sel oll hy ambosow, po oll hy dedhewadyowyow, usi warnedhi; ev re's selyas drefenn na leveris travyth dhedhi y'n jydh ma's klewas.

¹⁵ Mes mara's dile wosa ev dhe glewes anedha, ena ev a wra perthi hy hammweyth.

¹⁶ An re ma yw an ordenansow a worhemmynnis an Arloedh dhe Moyses, yntra gour ha'y wreg, hag yntra tas ha'y vyrgh, ha hi yn hy yowynkneth, a-ji dhe ji hy thas.