Niverow 26 - An Bibel Kernewek 20234 (Kernewek Kemmyn)

An Nessa Niveryans

¹ Wosa an pla, an Arloedh a leveris dhe Moyses ha dhe Eleazar mab Aron an oferyas,

² ‘Gwra niveryans a'n kuntelles oll a vebyon Ysrael, a-dhia ugens bloedh ha moy, herwydh chiow aga thasow, peub yn Ysrael a yll mos yn-rag dhe vresel.’

³ Ha Moyses hag Eleazar an oferyas a gewsis gansa yn plenys Moab ryb Yordan, a-dal Yeriko, ow leverel,

⁴ ‘Gwra niveryans a'n bobel, a-dhia ugens bloedh ha moy, dell worhemmynnis an Arloedh dhe Moyses.’ Mebyon Ysrael, a dheuth yn-mes a bow Ejyp, o:

⁵ Rewben, kynsa-genys Ysrael: a Hanok, teylu an Hanokysi; a Pallu, teylu an Palluysi;

⁶ a Hesron, teylu an Hesronysi; a Karmi, teylu an Karmysi.

⁷ An re ma yw teyluyow an Rewbenysi; ha'ga niver o tri ha dew-ugens a vilyow, seyth kans, deg warn ugens.

⁸ Ha mebyon Pallu: Eliab.

⁹ Ha mebyon Eliab: Nemuel, Dathan, hag Abiram. An re ma yw an Dathan hag Abiram, dewisys a'n kuntelles, neb a genkias erbynn Moyses hag Aron yn kowethas Koragh, pan genkisons erbynn an Arloedh,

¹⁰ ha'n dor a igoras y anow ha'ga howllenki war-barth gans Koragh, pan verwis an kowethas na, pan gowlloskas an tan dew kans gwer ha hanter-kans; hag i a dheuth ha bos gwarnyans.

¹¹ Byttegyns, ny verwis mebyon Koragh.

¹² Mebyon Simeon herwydh aga theyluyow: a Nemuel, teylu an Nemuelysi; a Yamin, teylu an Yaminysi; a Yakin, teylu an Yakinysi;

¹³ a Zeragh, teylu an Zeraghysi; a Shaul, teylu an Shaulysi.

¹⁴ An re ma yw teyluyow an Simeonysi, dew warn ugens a vilyow, dew kans.

¹⁵ Mebyon Gad herwydh aga theyluyow: a Sefon, teylu an Sefonysi; a Haggi, teylu an Haggysi; a Shuni, teylu an Shunysi;

¹⁶ a Ozni, teylu an Oznysi; a Eri, teylu an Erysi;

¹⁷ a Arod, teylu an Arodysi; a Areli, teylu an Arelysi.

¹⁸ An re ma yw teyluyow mebyon Gad herwydh aga niver, dew-ugens mil pymp kans.

¹⁹ Mebyon Yuda o Er hag Onan; hag Er a verwis yn pow Kanan.

²⁰ Ha mebyon Yuda herwydh aga theyluyow: a Shela, teylu an Shelanysi; a Peres, teylu an Peresysi; a Zeragh, teylu an Zeraghysi.

²¹ Ha mebyon Peres o: a Hesron, teylu an Hesronysi; a Hamul, teylu an Hamulysi.

²² An re ma yw teyluyow Yuda herwydh aga niver, hwetek ha tri-ugens a vilyow, pymp kans.

²³ Mebyon Yssakar herwydh aga theyluyow: a Tola, teylu an Tolaysi; a Puva, teylu an Punysi;

²⁴ a Yashub, teylu an Yashubysi; a Shimron, teylu an Shimronysi.

²⁵ An re ma yw teyluyow Yssakar herwydh aga niver, peswar ha tri-ugens a vilyow, trihans.

²⁶ Mebyon Zebulun herwydh aga theyluyow: a Sered, teylu an Seredysi; a Elon, teylu an Elonysi; a Yahleel, teylu an Yahleelysi.

²⁷ An re ma yw teyluyow an Zebulunysi herwydh aga niver, tri-ugens mil, pymp kans.

²⁸ Mebyon Yosep herwydh aga theyluyow: Manasse hag Efraym.

²⁹ Mebyon Manasse: a Makir, teylu an Makirysi; ha Makir a dhineythis Gilead; a Gilead, teylu an Gileadysi.

³⁰ An re ma yw mebyon Gilead: a Iezer, teylu an Iezerysi; a Helek, teylu an Helekysi;

³¹ hag a Asriel, teylu an Asrielysi; hag a Shekem, teylu an Shekemysi;

³² hag a Shemida, teylu an Shemidaysi; hag a Hefer, teylu an Heferysi.

³³ Lemmyn, Selofehad mab Hefer ny'n jeva mebyon, mes myrghes: ha henwyn myrghes Selofehad o Mahla, Noa, Hogla, Milka, ha Tirsa.

³⁴ An re ma yw teyluyow Manasse; ha'ga niver o dew ha dew-ugens a vilyow, seyth kans.

³⁵ An re ma yw mebyon Efraym herwydh aga theyluyow: a Shuthelagh, teylu an Shuthelaghysi; a Beker, teylu an Bef; a Tahan, teylu an Tahanysi.

³⁶ Ha'n re ma yw mebyon Shuthelagh: a Eran, teylu an Eranysi.

³⁷ An re ma yw teyluyow mebyon Efraym herwydh aga niver, dewdhek warn ugens a vilyow, pymp kans. An re ma yw mebyon Yosep herwydh aga theyluyow.

³⁸ Mebyon Benyamin herwydh aga theyluyow: a Bela, teylu an Belaysi; a Ashbel, teylu an Ashbelysi; a Ahiram, teylu an Ahiramysi;

³⁹ a Shefufam, teylu an Shufamysi; a Hufam, teylu an Hufamysi.

⁴⁰ Ha mebyon Bela o Ard ha Naaman: a Ard, teylu an Ardysi; a Naaman, teylu an Naamanysi.

⁴¹ An re ma yw mebyon Benyamin herwydh aga theyluyow; ha'ga niver o pymp ha dew-ugens a vilyow, hwegh kans.

⁴² An re ma yw mebyon Dan herwydh aga theyluyow: a Shuham, teylu an Shuhamysi. An re ma yw teyluyow Dan herwydh aga theyluyow.

⁴³ Teyluyow oll an Shuhamysi, herwydh aga niver, o peswar ha tri-ugens a vilyow, peswar kans.

⁴⁴ Mebyon Asher herwydh aga theyluyow: a Ymna, teylu an Ymnysi; a Yshvi, teylu an Yshvysi; a Beria, teylu an Beriysi.

⁴⁵ A vebyon Beria: a Heber, teylu an Heberysi; a Malkiel, teylu an Malkielysi.

⁴⁶ Ha hanow myrgh Asher o Serah.

⁴⁷ An re ma yw teyluyow mebyon Asher herwydh aga niver, trydhek ha dew-ugens a vilyow, peswar kans.

⁴⁸ Mebyon Naftali herwydh aga theyluyow: a Yahseel, teylu an Yahseelysi; a Guni, teylu an Gunysi;

⁴⁹ a Yeser, teylu an Yeserysi; a Shillem, teylu an Shillemysi.

⁵⁰ An re ma yw teyluyow Naftali herwydh aga theyluyow; ha'ga niver o pymp ha dew-ugens a vilyow, peswar kans.

⁵¹ An re ma yw an re niverys a vebyon Ysrael, hwegh kans hag onan a vilyow, seyth kans, deg warn ugens.

⁵² An Arloedh a leveris dhe Moyses:

⁵³ ‘Dhe'n re ma an tir a vydh rynnys rag eretons herwydh an niver a henwyn.

⁵⁴ Dhe loeth bras ty a re eretons bras, ha dhe loeth byghan ty a re eretons byghan; pub loeth a vydh res y eretons herwydh y niverow.

⁵⁵ Mes an tir a vydh kevrennys gans tewlel prenn; herwydh henwyn kordhow aga thasow i a wra erita.

⁵⁶ Aga eretons a vydh kevrennys herwydh an prenn ynter an brassa ha'n byghanna kordhow.’

⁵⁷ An re ma yw an Levysi dell vons niverys herwydh aga theyluyow: a Gershon, teylu an Gershonysi; a Kohath, teylu an Kohathysi; a Merari, teylu an Merarysi.

⁵⁸ An re ma yw teyluyow Levi: teylu an Libnysi, teylu an Hebronysi, teylu an Mahlysi, teylu an Mushysi, teylu an Koraghysi. Ha Kohath o tas Amram.

⁵⁹ Hanow gwreg Amram o Yokebed myrgh Levi, a veu genys dhe Levi yn Ejyp; ha hi a dhineythis dhe Amram Aron ha Moyses ha Miryam aga hwoer.

⁶⁰ Ha dhe Aron y feu genys Nadab, Abihu, Eleazar hag Ithamar.

⁶¹ Mes Nadab hag Abihu a verwis pan offrynnsons tan astranj a-rag an Arloedh.

⁶² Ha'n re anedha niverys o tri mil warn ugens, pub gorreydh a unn mis y oes ha moy; rag ny vons niverys yn mysk mebyon Ysrael, drefenn na veu res eretons dhedha yn mysk mebyon Ysrael.

⁶³ An re ma a veu niverys gans Moyses hag Eleazar an oferyas, a niveras mebyon Ysrael yn plenys Moab ryb Yordan, a-dal Yeriko.

⁶⁴ Mes yn aga mysk nyns esa nagonan a'n re niverys gans Moyses hag Aron an oferyas, neb a niveras mebyon Ysrael yn gwylvos Sinay.

⁶⁵ Rag an Arloedh re lavarsa anedha, ‘I a wra merwel y'n gwylvos.’ Ny veu gesys nagonan anedha, marnas Kaleb mab Yefunne ha Yoshua mab Nun.