Nehemia 7 - An Bibel Kernewek 20234 (Kernewek Kemmyn)

¹ Wosa an fos dhe vos dastrehevys ha my dhee settya yn-bann an darasow, an borthoryon ha'n ganoryon ha'n Levysi a veu apoyntys.

² My a ros charj war Yerusalem dhe'm broder Hanani, ha dhe Hanania rewler an palys, rag ev o gour lel hag ev a berthi own a Dhuw moy es dell wra lies arall.

³ Yn-medhav dhedha, ‘Na vedhes yetow Yerusalem igerys bys pan vo toemm an howl; ha gesewgh an borthoryon dhe dhegea an darasow ha'ga frenna, hag i hwath ow sevel ena. Hag apoyntyewgh gwithysi dhiworth annedhysi Yerusalem, peub dh'y woelva ha peub a-dal y ji y honan.’

⁴ Lemmyn an sita o bras hag efan, mes boghes o an bobel ynni, ha ny via drehevys an chiow na hwath.

Rolyow a'n Dhivresow a Dhehwelis

⁵ Ow Duw a worras y'm kolonn dhe guntell war-barth an ugheloryon ha'n soedhogyon ha'n bobel, may fens reknys herwydh aghskrif. Ha my a gavas kovlyver aghskrif a'n re neb a dheuth yn-bann kynsa, ha my a gavas skrifys ynno:

⁶ An re ma yw mebyon an rannvro a dheuth yn-bann yn-mes a gethneth, a'n dhivresow re bia degys yn divroedh gans Nebukadnessar myghtern Babylon; i a dhehwelis dhe Yerusalem ha dhe Yuda, peub dh'y dre y honan.

⁷ I a dheuth gans Zerubbabel, Yeshua, Nehemia, Azaria, Raamia, Nahamani, Mordekay, Bilshan, Mispereth, Bigvay, Nehum, Baana. Niver an wer a bobel Ysrael:

⁸ Mebyon Parosh, dew vil, kans, dewdhek ha tri-ugens.

⁹ Mebyon Shefatia, tri hans, dewdhek ha tri-ugens.

¹⁰ Mebyon Aragh, hwegh kans, dewdhek ha dew-ugens.

¹¹ Mebyon Pahath-moab a vebyon Yeshua ha Yoab, dew vil, eth kans hag etek.

¹² Mebyon Elam, mil, dew kans, peswardhek ha dew-ugens.

¹³ Mebyon Zattu, eth kans, pymp ha dew-ugens.

¹⁴ Mebyon Zakkay, seyth kans ha tri-ugens.

¹⁵ Mebyon Binnuy, hwegh kans, eth ha dew-ugens.

¹⁶ Mebyon Bebay, hwegh kans, eth warn ugens.

¹⁷ Mebyon Azgad, dew vil, tri hans, dew warn ugens.

¹⁸ Mebyon Adonikam, hwegh kans, seyth ha tri-ugens.

¹⁹ Mebyon Bigvay, dew vil, seyth ha tri-ugens.

²⁰ Mebyon Adin, hwegh kans, pymthek ha dew-ugens.

²¹ Mebyon Ater a Hezekia, etek ha peswar-ugens.

²² Mebyon Hashum, tri hans, eth warn ugens.

²³ Mebyon Besay, tri hans, peswar warn ugens.

²⁴ Mebyon Harif, kans ha dewdhek.

²⁵ Mebyon Gibeon, pymthek ha peswar-ugens.

²⁶ Gwer Bethlehem ha Netofa, kans, eth ha peswar-ugens.

²⁷ Gwer Anathoth, eth ha hwegh ugens.

²⁸ Gwer Beth-azmaveth, dew ha dew-ugens.

²⁹ Gwer Kiryath-yearim, Kefira ha Beeroth, seyth kans, tri ha dew-ugens.

³⁰ Gwer Rama ha Geba, hwegh kans, onan warn ugens.

³¹ Gwer Mikmash, dew ha hwegh ugens.

³² Gwer Bethel hag Ay, tri ha hwegh ugens.

³³ Gwer an Nebo arall, dewdhek ha dew-ugens.

³⁴ Mebyon an Elam arall, mil, dew kans, peswardhek ha dew-ugens.

³⁵ Mebyon Harim, tri hans hag ugens.

³⁶ Mebyon Yeriko, tri hans, pymp ha dew-ugens.

³⁷ Mebyon Lod, Hadid, hag Ono, seyth kans, onan warn ugens.

³⁸ Mebyon Senaa, tri mil, naw kans ha deg warn ugens.

³⁹ An oferysi: mebyon Yedaya, dhiworth an chi a Yeshua naw kans, trydhek ha tri-ugens.

⁴⁰ Mebyon Immer, mil, dewdhek ha dew-ugens.

⁴¹ Mebyon Pashhur, mil, dew kans, seyth ha dew-ugens.

⁴² Mebyon Harim, mil ha seytek.

⁴³ An levysi: mebyon Yeshua, Kadmiel, a vebyon Hodeva peswardhek ha tri-ugens.

⁴⁴ An ganoryon: mebyon Asaf, eth ha seyth ugens.

⁴⁵ An borthoryon: mebyon Shallum, mebyon Ater, mebyon Talmon, mebyon Akkub, mebyon Hatita, mebyon Shobay, etek ha hwegh-ugens.

⁴⁶ An Nethinim, mebyon Siha, mebyon Hasufa, mebyon Tabbaoth,

⁴⁷ mebyon Keros, mebyon Sia, mebyon Padon,

⁴⁸ mebyon Lebana, mebyon Hagaba, mebyon Shalmay,

⁴⁹ mebyon Hanan, mebyon Giddel, mebyon Gahar,

⁵⁰ mebyon Reaya, mebyon Resin, mebyon Nekoda,

⁵¹ mebyon Gazzam, mebyon Uzza, mebyon Paseagh,

⁵² mebyon Besay, mebyon Meunim, mebyon Nefushesim,

⁵³ mebyon Bakbuk, mebyon Hakufa, mebyon Harhur,

⁵⁴ mebyon Baslith, mebyon Mehida, mebyon Harsha,

⁵⁵ mebyon Barkos, mebyon Sisera, mebyon Temagh,

⁵⁶ mebyon Nesiagh, mebyon Hatifa.

⁵⁷ Mebyon servysi Solomon: mebyon Sotay, mebyon Sofereth, mebyon Perida,

⁵⁸ mebyon Yaala, mebyon Darkon, mebyon Giddel,

⁵⁹ mebyon Shefatia, mebyon Hattil, mebyon Pokereth-hassebayim, mebyon Amon.

⁶⁰ Oll an Nethinim ha mebyon servysi Solomon o tri hans, dewdhek ha peswar-ugens.

⁶¹ Ha'n re ma o an dus neb eth yn-bann dhiworth Tel-melagh, Tel-harsha, Kerub, Addon hag Immer: mes ny allsons diskwedhes chi aga thas, na'ga linyeth, mar pens a Ysrael.

⁶² Mebyon Delaya, mebyon Tobia, mebyon Nekoda, hwegh kans, dew ha dew-ugens,

⁶³ Ha dhiworth an oferysi: mebyon Hobaya, mebyon Kos, mebyon Barzillay, neb a gemmeras avel y wreg onan a vyrghes Barzillay an Gileadyas hag a veu gelwys gans aga hanow.

⁶⁴ An re ma a hwilas aga hovskrifenn yn mysk an re a omrolyas y'n aghskrifow, mes ny veu kevys, ytho i a veu eskes a'n oferyaseth avel avlan.

⁶⁵ An governour a leveris dhedha, na dhegoedh dhedha dybri a'n taklow moyha sans bys pan saffa yn-bann oferyas gans Urim ha Thummim.

⁶⁶ Oll an kuntelles war-barth o dew ha dew-ugens mil, tri hans ha tri-ugens,

⁶⁷ heb rekna aga gwesyon ha'ga maghtethyon, seyth mil, tri hans, seytek warn ugens aga niver: hag yth esa dhedha dew kans, pymp ha dew-ugens a genysi ha kenyadesow.

⁶⁸ Yth esa dhedha seyth kans, etek warn ugens a vergh, dew kans, pymp ha dew-ugens a vulyon,

⁶⁹ peswar kans, pymthek warn ugens a gowrvergh ha hwegh mil, seyth kans hag ugens a asenes.

⁷⁰ Lemmyn re a bennow chiow an tasow a ros dhe'n ober. An governour a ros dhe'n dresorva mil dharik a owr, deg bason ha dew-ugens, pymp kans mantell oferyas warn ugens.

⁷¹ Ha re a bennow teyluyow a ros dhe'n dresorva rag an ober ugens mil dharik a owr ha dew kans mina ha dew vil a arghans.

⁷² An sommenn res gans remenant an bobel o ugens mil dharik a owr, ha dew vil vina a arghans ha seyth gwisk oferyas ha tri-ugens.

⁷³ Ytho yth esa an oferysi ha'n Levysi ha'n borthoryon ha'n ganoryon ha re a'n bobel, ha'n Nethinim, hag oll Ysrael, trigys yn aga threvow. Ha pan dheuth an seythves mis, yth esa mebyon Ysrael yn aga threvow.