Lavarow Koth 3 - An Bibel Kernewek 20234 (Kernewek Kemmyn)

Gwarnyans dhe Drestya yn Duw ha'y Enora

¹ Ow mab, na ankov ow dyskans, gas dhe'th holonn gwitha ow gorhemmynnow;

² rag hirder a dhydhyow ha blydhynyow a vewnans ha kres a vydh keworrys dhis.

³ Na as tregeredh ha gwirder dhe'th forsakya, kolm i a-dro dhe'th konna, skrif i war legh dha golonn.

⁴ Yndella ty a gyv gras ha sewenyans da yn golok Duw ha densys.

⁵ Trest y'n Arloedh gans oll dha golonn, ha na fydh y'th konvedhes dha honan.

⁶ Yn oll dha fordhow gwra y aswonn, hag ev a wra dhe'th hynsyow bos kompes.

⁷ Na vydh fur y'th tewlagas dha honan; porth own a'n Arloedh, ha treyl dhiworth drog.

⁸ Sawment vydh dhe'th vegel ha sosten dhe'th eskern.

⁹ Enor an Arloedh gans oll dha substans, ha gans kynsa froeth a'th trevas;

¹⁰ Ena dha skiberyow a vydh leun a balster, ha'th kerynyow a vydh ow fenna gans gwin.

¹¹ Ow mab, na skorn dyskybleth an Arloedh, na vydh skwithys gans y reprev,

¹² rag neb a wra an Arloedh y gara, ev a'n reprev, dell wra an tas an mab ynno may kyv delit.

Gwir Rychys

¹³ Gwynnvys an den hag a gyv furneth, ha'n den hag a gyv konvedhes,

¹⁴ rag an gwayn anedhi yw gwell ages an gwayn a arghans, ha'y frow yw gwell ages owr fin.

¹⁵ Druttha yw hi ages jowelys, ha ny yll travyth a'th eus hwans anodho bos hevelebys dhedhi.

¹⁶ Yma hirder dydhyow yn hy leuv dhyghow; yn hy leuv gledh yma golusogneth hag enor.

¹⁷ Hy fordhow yw fordhow a hwekter, hag oll hy hynsyow yw kres.

¹⁸ Gwydhenn a vewnans yw hi dhe'n re a's syns, ha gwynn y vys neb a's dalghenn fast.

Furneth Duw y'n Kreasyon

¹⁹ An Arloedh dre furneth a fondyas an norvys, dre gonvedhes ev a selyas an nevow;

²⁰ der y skentoleth an downvoryow a dardhas yn-mes, ha'n kommolennow a dhinwa gluth.

Gwir Sawder

²¹ Ow mab, na as i dhe skapya a'th tewlagas: gwith kusul len ha doethter,

²² hag i a vydh bewnans rag dha enev, ha gras dhe afina dha gonna.

²³ Ena ty a gerdh war dha fordh yn sawder, ha ny drebuch dha droes.

²⁴ Mar krowedhydh, ny vydhydh ownek; pan wrowedhydh, dha gosk a vydh hweg.

²⁵ Na borth own a skruth distowgh, nag a dhiswrians a dheu war an debeles;

²⁶ rag an Arloedh a vydh dha fydhyans, hag ev a with dha droes rag bos maglennys.

²⁷ Na skon dader dhiworth an re y tylir dhedha, pan y'th eus galloes dh'y wul.

²⁸ Na lavar dhe'th kentrevek, ‘Ke, ha deus arta, hag a-vorow my a'n re’ – pan usi an dra genes.

²⁹ Na dowl drog erbynn dha gentrevek, hag ev trigys rybos yn fydhyans.

³⁰ Na genki orth den heb ken, pan na wrug dha aperya.

³¹ Na borth avi orth gour a arowder, ha na dhewis fordh bynag a'y fordhow;

³² rag an den gorth yw tra gasadow dhe'n Arloedh, mes yma y gevrin gans an re ewnhynsek.

³³ Yma molleth an Arloedh war ji an drogoberer, mes ev a vennik annedh an re wiryon.

³⁴ Orth an skornyoryon, ev a berth skorn, mes dhe'n re uvel ev a dhiskwa favour.

³⁵ An re fur a erit enor, mes an fellyon a's tevydh bismer.