Lavarow Koth 10 - An Bibel Kernewek 20234 (Kernewek Kemmyn)

Lavarow Koth Solomon

¹ Lavarow koth Solomon. Mab fur a wra tas lowen, mes mab foll yw keudh dh'y vamm.

² Tresoryow kevys gans droktra ny dhegons les, mes ewnder a dhelirv a ankow.

³ Ny as an Arloedh an den gwiryon dhe vos nownek, mes ev a lest ewl an tebelwas.

⁴ Leuv lows a wra boghosogneth, mes leuv an re dhiwysyk a wra rychys.

⁵ Mab hag a guntell yn hav yw fur, mes mab hag a gosk yn prys an drevas a dhre mewl.

⁶ Yma bennathow war benn an den gwiryon, mes ganow an debeles a gudh freudh.

⁷ Kovadh an den gwiryon yw bennath, mes hanow an debeles a boder.

⁸ An den fur y golonn a dhegemmer gorhemmynnow, mes den foll ow klappya a dheu dhe dhiswrians.

⁹ Neb a gerdh yn tivlam a gerdh yn sawder, mes neb a siw hynsyow kamm a vydh diskudhys.

¹⁰ Neb a wynk gans an lagas a wra trobel, mes neb a geredh yn fen a wra kres.

¹¹ Ganow an den gwiryon yw fenten a vewnans, mes ganow an debeles a gudh freudh.

¹² Kas a dhifun strif, mes kerensa a gudh pub kammweythres.

¹³ Yma furneth kevys war dhiwweus neb a'n jeves konvedhes, mes yma gwelenn rag keyn neb na'n jeves skentoleth.

¹⁴ Tus fur a gudh godhvos, mes klapp den foll a dhre diswrians yn ogas.

¹⁵ Pyth den rych yw y sita grev, boghosogneth an voghosogyon yw aga diswrians.

¹⁶ Gober an den gwiryon a hembronk dhe vewnans, gwayn an tebelwas a hembronk dhe begh.

¹⁷ Neb a with dyskans, yma ev y'n hyns dhe vewnans, mes neb a nagh dyskybleth a hembronk yn sowdhan.

¹⁸ Neb a gudh kas a'n jeves diwweus a wowegneth, ha neb a lever sklander yw foll.

¹⁹ Pan vo geryow pals, ny fyll kammweythres, mes neb a fronn y dhiwweus yw doeth.

²⁰ Lagas an den gwiryon yw arghans prevys, kolonn an debeles, ny dal mann.

²¹ Dhiwweus an den gwiryon a vag lies, mes fellyon a verow rag fowt skians.

²² Bennath an Arloedh a wra den rych, ha ny geworr tristans gans henna.

²³ Gwruthyl tra vethus yw avel gwari dhe'n den foll, mes fara fur yw plesour dhe wour a gonvedhes.

²⁴ An pyth may perth an tebelwas own anodho a dheu warnodho, mes hwans an re wiryon a vydh grontyes.

²⁵ Pan dremen an annawel nyns usi an tebelwas na fella, mes an den gwiryon yw fondys bys vykken.

²⁶ Avel aysel dhe'n dyns ha mog dhe'n dewlagas, yndella yw an den diek dhe'n re a'n dannvon.

²⁷ Own an Arloedh a hirha bewnans, mes blydhynyow an debeles a vydh berr.

²⁸ Govenek an re wiryon a dhiwedh yn lowender, mes govenek an debeles a dhe goll.

²⁹ Fordh an Arloedh yw dinas krev dhe'n den divlam, mes distruyans dhe'n dhrogoberoryon.

³⁰ Ny vydh an den gwiryon nevra removyes, mes ny drig an debeles y'n vro.

³¹ Ganow an den gwiryon a dheg furneth, mes an taves gorth a vydh treghys dhe-ves.

³² Diwweus an den gwiryon a woer an pyth yw plegadow, mes ganow an debeles a woer an pyth yw gorth.