Job 25 - An Bibel Kernewek 20234 (Kernewek Kemmyn)

Tressa Areth Bildad

¹ Ena Bildad an Shuhyas a worthybis:

² ‘Yma mestrynses hag agha dhe Dhuw; ev a wra kres yn y ughelderyow.

³ Eus niver dh'y luyow? War biw ny sev y wolow?

⁴ Fatell yll den bos gwiryon a-rag Duw? Fatell yll den dineythys a venyn bos glan?

⁵ Mar nyns yw hwath an loer ow splanna ha nyns yw an ster glan yn y wolok,

⁶ kemmys le yw den hag yw kontronenn, ha mab-den, hag yw pryv!’