Jenesis 10 - An Bibel Kernewek 20234 (Kernewek Kemmyn)

Rol an Kenedhlow

¹ An re ma yw henedhow mebyon Noy: Shem, Ham ha Yafeth; mebyon a veu genys dhedha wosa an liv.

² Mebyon Yafeth: Gomer, Magog, Maday, Yavan, Tubal, Meshek ha Tiras.

³ Mebyon Gomer: Ashkenaz, Rifath ha Togarma.

⁴ Mebyon Yavan: Elisha, Tarshish, Kittim ha Dodanim.

⁵ Dhiworth an re ma ynysow an kenedhlow a veu rynnys yn aga thiryow, peub war-lergh y daves, war-lergh aga theyluyow yn aga henedhlow.

⁶ Mebyon Ham: Kush, Misraym, Put ha Kanan.

⁷ Mebyon Kush: Seba, Havila, Sabta, Rama ha Sabteka. Mebyon Raama: Sheba ha Dedan.

⁸ Kush a dhineythis Nimrod. Ev a dhallathas bos gour galloesek war an nor.

⁹ Ev a veu helghor galloesek dherag an Arloedh; rakhenna yth yw leverys, ‘Poran kepar ha Nimrod, helghor galloesek dherag an Arloedh.’

¹⁰ Dalleth y wlaskor a veu Babel, hag Erek, hag Akkad, ha Kalne yn pow Shinar.

¹¹ Yn-mes a'n pow na yth eth dhe Assyria ha drehevel Nineve, ha Rehoboth-ir, ha Kalah,

¹² ha Resen yntra Nineve ha Kalah; homm yw an sita vras.

¹³ Misraym a dhineythis Ludim, Anamim, Lehabim, Naftuhim,

¹⁴ Pathrusim, Kasluhim (may teuth Filistim anedha) ha Kaftorim.

¹⁵ Kanan a dhineythis Sidon y gynsa-genys, ha Heth,

¹⁶ ha'n Yebusysi, an Amorysi, an Girgashysi,

¹⁷ an Hivysi, an Arkysi, an Sinysi,

¹⁸ an Arvadysi, an Semarysi ha'n Hamathysi; ha wosa henna, loethow an Kananysi a veu diberthys a-les.

¹⁹ Hag amal an Kananysi o dhiworth Sidon ha ty ow tos troha Gerar bys yn Gaza, ha ty ow mos bys yn Sodom, Gomorra, Adma ha Seboyim bys yn Lasha.

²⁰ An re ma yw mebyon Ham war-lergh aga theyluyow, war-lergh aga thavosow yn aga thiryow, yn aga henedhlow.

²¹ Dhe Shem ynwedh, tas oll mebyon Eber, ha broder kottha Yafeth, dhodho ev ynwedh y feu fleghes genys.

²² Mebyon Shem: Elam, Asshur, Arfaksad, Lud hag Aram.

²³ Mebyon Aram: Us, Hul, Gether ha Mash.

²⁴ Arfaksad a dhineythis Shelagh ha Shelagh a dhineythis Eber.

²⁵ Dhe Eber y feu dineythys dew vab. Hanow onan o Peleg rag yn y dhydhyow ev an nor a veu rynnys, ha hanow y vroder o Yoktan.

²⁶ Yoktan a dhineythis Almodad, Shelef, Hasarmaveth, Yeragh,

²⁷ Hadoram, Uzal, Dikla,

²⁸ Obal, Abimael, Sheba,

²⁹ Ofir, Havila ha Yobab. Oll an re ma o mebyon Yoktan.

³⁰ Aga thiredh a veu dhiworth Mesha ha ty ow mos war-tu ha Sefar, menydh an howldrevel.

³¹ An re ma yw mebyon Shem war-lergh aga theyluyow, war-lergh aga thavosow, yn aga thiryow, war-lergh aga henedhlow.

³² An re ma yw teyluyow mebyon Noy war-lergh aga henedhow, yn aga henedhlow. Dhiworth an re ma y feu an kenedhlow diberthys war an nor wosa an liv.