Ezra 2 - An Bibel Kernewek 20234 (Kernewek Kemmyn)

Rol an Dhivresow a Dhehwelis

¹ Ytho an re ma o mebyon an rannvro esa ow tos yn-bann mes a'n gethneth, a-dhiworth an dus re bia kemmerys yn-mes, a wrussa Nebukadnessar myghtern Babylon aga divroa dhe Babylon; hag i a dheuth arta dhe Yerusalem ha dhe Yuda, pub huni dh'y dre y honan.

² I a dheuth gans Zerubbabel, Yeshua, Nehemia, Seraya, Reelaya, Mordekay, Bilshan, Mispar, Bigvay, Rehum, Baana. Niver gwer pobel Ysrael:

³ Mebyon Parosh, dew vil, kans, dewdhek ha tri-ugens.

⁴ Mebyon Shefatia, tri hans, dewdhek ha tri-ugens.

⁵ Mebyon Aragh, seyth kans, pymthek ha tri-ugens.

⁶ Mebyon Pahath-moab, a vebyon Yeshua ha Yoab, dew vil, eth kans ha dewdhek.

⁷ Mebyon Elam, mil, dew kans, peswardhek ha dew-ugens.

⁸ Mebyon Zattu, naw kans, pymp ha dew-ugens

⁹ Mebyon Zakkay, seyth kans ha tri-ugens.

¹⁰ Mebyon Bani, hwegh kans, dew ha dew-ugens.

¹¹ Mebyon Bebay, hwegh kans, tri warn ugens.

¹² Mebyon Azgad, mil, dew kans, dew warn ugens.

¹³ Mebyon Adonikam, hwegh kans, hwegh ha tri-ugens.

¹⁴ Mebyon Bigvay, dew vil, hwetek ha dew-ugens.

¹⁵ Mebyon Adin, peswar kans, peswardhek ha dew-ugens.

¹⁶ Mebyon Ater a Hezekia, etek ha peswar-ugens.

¹⁷ Mebyon Besay, tri hans, tri warn ugens.

¹⁸ Mebyon Yora, kans ha dewdhek.

¹⁹ Mebyon Hashum, dew kans, tri warn ugens.

²⁰ Mebyon Gibbar, pymthek ha peswar-ugens.

²¹ Mebyon Bethlehem, tri ha hwegh ugens.

²² Gwer Netofa, hwetek ha dew-ugens.

²³ Gwer Anathoth, eth ha hwegh ugens.

²⁴ Mebyon Azmaveth, dew ha dew-ugens.

²⁵ Mebyon Kiryath-yearim, Kefira ha Beeroth, seyth kans, tri ha dew-ugens.

²⁶ Mebyon Rama ha Geba, hwegh kans, onan warn ugens.

²⁷ Gwer Mikmas, dew ha hwegh ugens.

²⁸ Gwer Bethel hag Ay, dew kans, tri warn ugens.

²⁹ Mebyon Nebo, dewdhek ha dew-ugens.

³⁰ Mebyon Magbish, hwetek ha seyth ugens.

³¹ Mebyon an Elam arall, mil, dew kans, peswardhek ha dew-ugens.

³² Mebyon Harim, tri hans hag ugens.

³³ Mebyon Lod, Hadid hag Ono, seyth kans, pymp warn ugens.

³⁴ Mebyon Yeriko, tri hans, pymp ha dew-ugens.

³⁵ Mebyon Senaa, tri mil, hwegh kans, deg warn ugens.

³⁶ An oferysi: mebyon Yedaya, dhiworth chi Yeshua, naw kans, trydhek ha tri-ugens.

³⁷ Mebyon Immer, mil, dewdhek ha dew-ugens.

³⁸ Mebyon Pashhur, mil, dew kans, seyth ha dew-ugens.

³⁹ Mebyon Harim, mil ha seytek.

⁴⁰ An Levysi: mebyon Yeshua ha Kadmiel, a vebyon Hodavya, peswardhek ha tri-ugens.

⁴¹ An ganoryon: mebyon Asaf, eth ha hwegh ugens.

⁴² Mebyon an borthoryon: mebyon Shallum, mebyon Ater, mebyon Talmon, mebyon Akkub, mebyon Hatita, ha mebyon Shobay, oll war-barth nownsek ha hwegh ugens.

⁴³ An Nethinim: mebyon Siha, mebyon Hasufa, mebyon Tabbaoth,

⁴⁴ mebyon Keros, mebyon Siaha, mebyon Padon,

⁴⁵ mebyon Lebana, mebyon Hagaba, mebyon Akkub,

⁴⁶ mebyon Hagab, mebyon Shalmay, mebyon Hanan,

⁴⁷ mebyon Giddel, mebyon Gahar, mebyon Reaya,

⁴⁸ mebyon Resin, mebyon Nekoda, mebyon Gazzam,

⁴⁹ mebyon Uzza, mebyon Paseagh, mebyon Besay,

⁵⁰ mebyon Asna, mebyon Meunim, mebyon Nefusim,

⁵¹ mebyon Bakbuk, mebyon Hakufa, mebyon Harhur,

⁵² mebyon Basluth, mebyon Mehida, mebyon Harsha,

⁵³ mebyon Barkos, mebyon Sisera, mebyon Temagh,

⁵⁴ mebyon Nesiagh, mebyon Hatifa.

⁵⁵ Mebyon servysi Solomon: mebyon Sotay, mebyon Hassofereth, mebyon Peruda,

⁵⁶ mebyon Yaala, mebyon Darkon, mebyon Giddel,

⁵⁷ mebyon Shefatia, mebyon Hattil, mebyon Pokereth-hassebaym, mebyon Ami.

⁵⁸ Oll an Nethinim, ha vebyon servysi Solomon, o tri hans, dewdhek ha peswar-ugens aga niver.

⁵⁹ An re ma eth yn-bann a-dhiworth Tel-melagh, Tel-harsha, Kerub, Addan hag Immer: mes ny allsons diskwedhes chi aga thas, na'ga has, mar pens a Ysrael:

⁶⁰ mebyon Delaya, mebyon Tobia, mebyon Nekoda, hwegh kans, dewdhek ha dew-ugens.

⁶¹ Hag a-dhiworth mebyon an oferysi: mebyon Hobaya, mebyon Hakkos, mebyon Barzillay, neb a gemmeras gwreg a-dhiworth myrghes Barzillay an Gileadyas, hag a veu henwys gans aga hanow.

⁶² An re ma a hwilas aga hovadh yn mysk an re esa omrolys y'n aghskrifow, mes nyns ens i kevys: ytho i a veu difennys a entra y'n oferyaseth, rag i dhe vos avlan.

⁶³ Ha'n governour a leveris dhedha, na dhepprens a'n taklow an moyha sans, bys pan ve oferyas gans Urim ha gans Thummim.

⁶⁴ An kuntelles oll war-barth o dew ha dew-ugens mil, tri hans ha tri-ugens,

⁶⁵ heb rekna aga gwesyon ha'ga maghtethyon, seyth mil, tri hans, seytek warn ugens aga niver: hag yth esa dhedha dew kans kenyas ha kenyades.

⁶⁶ Aga mergh o seyth kans, hwetek warn ugens; aga mulyon, dew kans, pymp ha dew-ugens;

⁶⁷ aga howrvergh, peswar kans, pymthek warn ugens; aga asenes, hwegh mil, seyth kans hag ugens.

⁶⁸ Ha re a bennow an teyluyow, pan dheuthons dhe ji an Arloedh usi yn Yerusalem, a ros offrynnow bolonjedhek rag chi Duw dh'y dhrehevel yn y dyller:

⁶⁹ I a ros herwydh aga galloes dhe dresorva an ober onan ha tri-ugens mil dharik a owr, ha pymp mil vina a arghans, ha kans mantell oferysi.

⁷⁰ Ytho an oferysi, hag yth esa an Levysi, ha rann a'n dus, ha'n genysi, ha'n borthoryon, ha'n Nethinim, trigys yn Yerusalem hag y'n pow yn hy hyrghynn, hag Ysrael oll yn aga sitys i.