Ezra 10 - An Bibel Kernewek 20234 (Kernewek Kemmyn)

Gorthyp an Bobel

¹ Lemmyn pan esa Ezra ow pysi ha konfessya, owth oela hag owth omdewlel dhe'n dor a-rag chi Duw, routh pur vras a Ysraelysi, gwer, benynes ha fleghes, a omguntellas a-dro dhodho; rag yth esa an bobel owth oela yn feur.

² Shekania mab Yehiel, a vebyon Elam, a worthybis ow leverel dhe Ezra, ‘Ni re beu dislel dh'agan Duw, ow kemmeres gwragedh estren a-dhiworth poblow an pow. Byttegyns lemmyn yma govenek yn Ysrael a-dro dhe'n mater ma.

³ Lemmyn gwren ni kevambos gans agan Duw dhe dhannvon yn-kerdh oll an gwragedh, ha'n re dineythys anedha, herwydh kusul ow arloedh, ha dhe'n re a berth own a worhemmynn agan Duw. Bedhes gwrys herwydh an lagha.

⁴ Sa'bann; rag dha dhever jy yw hemma, ha ni a vydh genes. Bydh krev, ha'n gwra.’

⁵ Ena Ezra a sevis, ha gul dhe ledyoryon an oferysi, an Levysi, hag oll Ysrael ti i dhe wul herwydh an lavar ma. Hag i a dos ti.

Gwragedh Estren Dannvenys Dhe-ves

⁶ Ena Ezra a omdennas dhiworth klos chi Duw, hag eth yn hel Yehohanan mab Elyashib. Pan dheuth ena, ny dhybris ev bara, nag eva dowr; rag yth esa ow kyni war dhislelder an dhivresow.

⁷ Ena i a dhellos galow dre Yuda ha Yerusalem bys oll mebyon an divroedh, mayth omguntellens war-barth yn Yerusalem.

⁸ Piwpynag na vynna dos a-ji dhe dri dydh, herwydh ervirans an bennsevigyon ha'n henavogyon, bedhes kowldhistruys oll y bythow, hag ev y honan diberthys a-dhiworth kuntelles an dhivresow.

⁹ Oll gwer Yuda ha Benyamin a omguntellas yn Yerusalem a-ji dhe dri dydh. An nawves mis o, ugensves dydh an mis. Oll an bobel a esedhas y'n plen a-rag chi Duw, ow krena drefenn an mater ma, ha drefenn an glaw meur.

¹⁰ Ezra an oferyas a sevis yn-bann, ha leverel dhedha, ‘Hwi re beu dislel, ha kemmeres gwragedh estren, ha moghhe kammweyth Ysrael.

¹¹ Lemmyn ytho rewgh grasyans dhe'n Arloedh, Duw agas tasow, ha gwrewgh y vodh: omdhiberthewgh a-dhiworth poblow an pow, hag a-dhiworth an gwragedh estren.’

¹² Ena oll an kuntelles a worthybis ha leverel gans lev ughel, ‘Dell leversys jy, res yw dhyn y wul.

¹³ Mes yma meur a bobel, ha termyn a law yw, ma na yllyn ni sevel a-ves; ynwedh nyns yw hemma ober dhe unn jydh po dhew: rag lies ahanan re gammdremenas y'n mater ma.

¹⁴ Lemmyn gwres agan rewloryon bos yn le oll an kuntelles, ha gwres oll trigys yn agan sitys hag a gemmeras gwragedh estren dos yn termynyow apoyntys, ha gansa henavogyon ha breusysi pub sita, bys pan vo sorr fell agan Duw drefenn an mater ma treylys dhiworthyn.’

¹⁵ Yonathan mab Asahel ha Yahzia mab Tikva hepken a omsettyas orth hemma, ha Meshullam ha Shabbethay an Levyas a's skoedhyas.

¹⁶ Hag yndellma y hwrug mebyon an divroedh. Ezra an oferyas a dhewisas gwer, pennow teyluyow, herwydh chi aga thasow, hag i oll orth hanow, a veu diberthys, hag esedha yn kynsa dydh an degves mis may hwithrens an mater.

¹⁷ Hag i a worfennas dyghtya oll an wer a gemmeras gwragedh estren erbynn an kynsa dydh a'n kynsa mis.

¹⁸ Yn-mysk mebyon an oferysi, an re a siw re gemmersa gwragedh estren. A vebyon Yeshua mab Yosadak, ha'y vreder: Maaseya, Eliezer, Yarib, ha Gedalia.

¹⁹ I a ros aga leuv dhe worra a-denewen aga gwragedh; ha rag aga hammweyth i a offrynnas hordh a'n deves avel offrynn kammweyth.

²⁰ A vebyon Immer: Hanani, ha Zebadia.

²¹ A vebyon Harim: Maaseya, Elias, Shemaia, Yehiel, hag Uzzia.

²² A vebyon Pashhur; Elyoenay, Maaseya, Yshmael, Nethaneel, Yozabad, hag Elasa.

²³ A'n Levysi: Yozabad, Shimei, Kelaya, (honn yw Kelita), Pethahia, Yuda, hag Eliezer.

²⁴ A'n ganoryon: Elyashib. A'n borthoryon: Shallum, Telem, hag Uri.

²⁵ Yn-mysk an re erell a Ysrael: A vebyon Parosh: Ramia, Yzzia, Malkia, Miyamin, Eleazar, Malkia, ha Benaya.

²⁶ A vebyon Elam: Mattania, Zekaria, Yehiel, Abdi, Yeremoth, hag Elias.

²⁷ A vebyon Zattu: Elyoenay, Elyashib, Mattania, Yeremoth, Zabad, hag Aziza.

²⁸ A vebyon Bebay: Yehohanan, Hanania, Zabbay, hag Athlay.

²⁹ A vebyon Bani: Meshullam, Malluk, Adaya, Yashub, Sheal, ha Yeremoth.

³⁰ A vebyon Pahath-moab: Adna, Kelal, Benaya, Maaseya, Mattania, Bezalel, Binnuy, ha Manasse.

³¹ A vebyon Harim: Eliezer, Ysshia, Malkia, Shemaia, Simeon,

³² Benyamin, Malluk, ha Shemaria.

³³ A vebyon Hashum: Mattenay, Mattatta, Zabad, Elifelet, Yeremay, Manasse, ha Shimei.

³⁴ A vebyon Bani: Maaday, Amram, Uel,

³⁵ Benaya, Bedia, Keluhi,

³⁶ Vania, Meremoth, Elyashib,

³⁷ Mattania, Mattenay, ha Yaasu.

³⁸ A vebyon Binnuy: Shimei,

³⁹ Shelemia, Nathan, Adaya,

⁴⁰ Maknadebay, Shashay, Sharay,

⁴¹ Azarel, Shelemia, Shemaria,

⁴² Shallum, Amaria, ha Yosep.

⁴³ A vebyon Nebo; Yeiel, Mattithia, Zabad, Zebina, Yadday, Yoel, ha Benaya.

⁴⁴ Oll an re ma a gemmeras gwragedh estren, ha re anedha i a's dannvonas dhe-ves gans aga fleghes.