Ekklesiastes 10 - An Bibel Kernewek 20234 (Kernewek Kemmyn)

¹ Kelyon marow a wra dhe unyent an perfumyer flerya; boghes follneth yw poesa es meur a furneth.

² Yma kolonn an den fur ryb y leuv dhyghow, hag yma kolonn an foll ryb y leuv gledh

³ Ha pan gerdh foll war an fordh, nyns eus skians dhodho, hag ev a dhiskwa dhe bubonan y vos foll.

⁴ Mara sev sorr an rewler er dha bynn, na as dha dyller, rag kalmynsi a dhiswra peghosow bras.

⁵ Ottomma happ drog re welis yn-dann an howl, kammgemmeryans a'n par yw gwrys gans rewler.

⁶ An foll re beu settys yn lies tyller ughel, mes tus rych a esedh yn tyller isel.

⁷ My re welas gwesyon ow marghogeth, ha pennternedh ow kerdhes war an dor kepar ha gwesyon.

⁸ An den a bal pytt a yll koedha ynno, ha'n den a derr ke a yll bos brethys gans sarf.

⁹ An den usi ow kleudhya meyn a yll bos pystigys gansa, ha'n den a fols prennyer a yll bos peryllys gansa.

¹⁰ Mars yw toul a horn sogh ha ny wra an oberer lymma y amal, res yw dhodho gul devnydh a voy nerth; mes furneth a dhre sewena

¹¹ Mar prath an sarf kyns bos husys, nyns eus gwayn yn huder.

¹² Geryow ganow den fur yw grassyes, mes diwweus foll a wra y distrui.

¹³ Dalleth geryow y anow yw follneth, ha diwedh y gows yw muskokter glan.

¹⁴ An foll yw leun a eryow; Ny woer denvyth an pyth a hwer, ha'n pyth a hwyrvydh a'y wosa, piw a yll y leverel dhodho?

¹⁵ Lavur an fellyon a wra aga skwithhe, drefenn na wodhons hwath an fordh dhe'n sita.

¹⁶ Go-jy, A dir, pan vo dha vyghtern flogh, ha'th pennternedh a dheber myttinweyth.

¹⁷ Gwynn dha vys, A dir, pan vo dha vyghtern mab tus vryntin ha'th pennternedh pan dhepprons y'n termyn gwiw, rag nerth a-der rag medhwynsi.

¹⁸ Dre sygerneth y sedh an kebrow, ha dre dhiekter an dhiwleuv y teu an glaw y'n chi.

¹⁹ Rag hwarth y hwrer fest, ha gwin a wra dhe vewnans bos lowen, mes arghans yw an gorthyp dhe bup-tra.

²⁰ Na volloth myghtern na hwath y'th prederow, ha na volloth den rych y'th chambour, rag edhen a'n nevow a yll degi dha lev a-dro, ha nebonan gans eskelli a yll derivas dha eryow.