Diskwedhyans 10 - An Bibel Kernewek 20234 (Kernewek Kemmyn)

An El ha'n Rol-skrifa Vyghan

¹ Ha my a welas ken el nerthek ow tos yn-nans dhiworth nev, ow kwiska kommolenn, ha kammneves war y benn, ha'y fas kepar ha'n howl, ha'y dreys kepar ha kolovenyow a dan.

² Hag yn y dhorn y'n jevo rol-skrifa vyghan igerys, hag ev a worras y droes dyghow war an mor, ha'y droes kledh war an dor.

³ Hag ev a armas ughel y lev kepar dell wra lew usa, ha pan armas, an seyth taran a gewsis gans aga lev.

⁴ Ha pan gewssa an seyth taran, my a vynnas skrifa: ha my a glewas lev a nev ow leverel dhymm, ‘Gwra selya yn-bann an taklow a leveris an seyth taran, ha na wra aga skrifa.’

⁵ Ha'n el a welis ow sevel war an mor ha war an dor a dhrehevis y dhorn dhyghow dhe nev,

⁶ ha lia re neb a vew trank heb worfenn, a wrug gul an nev, ha'n taklow usi ynno, ha'n dor ha'n taklow usi ynno, ha'n mor ha'n taklow usi ynno, ‘Na vedha lett namoy;

⁷ mes yn dydhyow lev an seythves el, pan ombareus dhe hwytha an hirgorn, kevrin Duw a vydh kowlwrys kepar dell dherivas ev dh'y wesyon an brofoesi.’

⁸ Ha'n lev a glewis a nev a gewsis genev arta, ow leverel, ‘Ke ha kemmer an rol-skrifa yw igerys yn dorn an el usi ow sevel war an mor ha war an dor.’

⁹ Ha my eth dhe'n el ow leverel dhodho may rolla dhymmo an rol-skrifa vyghan. Hag ev a leveris dhymm, ‘Kemmer hi ha'y dybri, ha hi a vydh hwerow y'th torr, mes y'th hanow hweg kepar ha mel a vydh.’

¹⁰ Ha my a gemmeras an rol-skrifa vyghan yn-mes a leuv an el ha'y dybri, hag y'm ganow hweg kepar ha mel o hi, ha pan y's dybris, ow thorr eth ha bos hwerow.

¹¹ Hag i a leveris dhymm, ‘Y koedh dhis profoesa arta a-dro dhe lies pobel ha kenedhel, ha taves, ha myghtern.’